أسعدكم الله
بكل مساء أنتم على موعد جديد من تخاريف شاعر
الأبيات بدون مقدمات
لا ضاق صدري طيف خلي يسلي=ساكن ببيت الروح نافس قريني
كل الزوايا تحتضن طيف خلي=أشوف طيفه ما يفارق لعيني
يانبض قلبي يابعد كل كلي=يابسمة أيام الهنا في سنيني
يانور عيني منك مايوم أملي=ياحظ عمري وانكتب في جبيني
ياوردة أحلامي وكادي وفلي=ياشمعتي في ليل هيج حنيني
سحائب أحلامي بشوفك تهلي=ما عذرت والبعد بينك وبيني
اسهر ليال طوال وأعقد واحلي=لحبال مجهول القدر يا ضنيني
احلم بيوم تكون داخل محلي=وأحضنك من لهف الهوى باليديني
واحلم بوقت ضام قلبي يولي=يضحك زماني بالوصال ويزيني
احلم تكون ملازمي مثل ظلي=لأخر نِفس بالعمر موجود فيني
فدتك روحي يابعد كل من لي=يانصفي الثاني ويا نصف ديني
ياللي هواها بالرضا مستحلي=نبض الفؤاد اللي كثير الونيني
اون من جور الزمان المطلي=و اون من قهر البعاد اللعيني
أسامر الأطياف من دون حلي=غير السهر والحلم ناصب كميني
بكل الزوايا تحتضن طيف خلي=أشوف طيفه ما يفارق لعيني
التميز
الإهداءات
كل الزوايا تحتضن طيف خلي !!!
رد: كل الزوايا تحتضن طيف خلي !!!
