الشاعر : رده بن عوض أبو صدف الثبيتي ....عليه رحمة الله
شاعر مشهور ولكن للأسف قصائده نادرة وصعب الحصول عليها
مجالسي
الاوله ذكر الله اللـي نبديـه=قبل الكلام اللى نقوله ونبنيـه
قاف بنيته وافتكر في معانيـه=من عادة الشاعر ليا زان معناه
يغني ليا قالوا تعيش الرجالي=..
واليوم يالشعـار لا تنقدونـي=اليا حصل فالهرج عال ودوني
والهرج للشاعر لابده يهونـي=ولا عمر فيها مكاتل ومسحاه
وشي فالثمر مكسب وشي راس مالي=..
ان كان رده قال قولـه وسامـه=لا تلحقونه في كلامـه ملامـه
من حلمه اللى زروعه من منامه=والله ليا منه نوى حال مضـاه
حمدناك ياربي رفيع الجلالي=..
هجعت تال الليل هجعـه قليلـه=وليا ان راع الصوره اللى جميله
مقبل عليـه وبشـراب يشيلـه=وبكاسة زينـه جديـده بيمنـاه
وصب وسقاني لين كرم سبالي=..
يقول يارده ترانـي نصيتـك=بعد بلاني شوق قلبي بليتـك
اعز ما به يوم جيت ولقيتـك=اشرب وخذ مطلوبك اللى تمناه
وليلتك هذى من طياب الليالي=..
وقلت ياسيدى دخيلك من ايـات=وش عرفك بيتي وهو بين الابيات
واحس في قلبي سوات الوريـات=والباب مقفل كيف تقـدر تعـداه
وانا اظن مانته من عيال الحلالي=..
قالت لي انته ليس قلبك رقيقـي=ما شي خلاف ولا تخف يا رفيقي
البيت بيتك والغريـر الشفيقـي=وصل وتحت الامر ماظنى اعصاه
وانا منزلى فاعلا عسير الجبالى=..
وقلت ما اقدر دوري ناس غيري=هذا كـلام عندنـا مايسيـري
ان كان قلبي مهتوي له عشيري=بكره طلوع الشمس نسرح ونلقاه
منقيه فارض الله يمين وشمالي=..
قالت لى اثن الروح ثنى الغصايب=بعد حديـت وحدنـى للنشايـب
انا قتيلة ود مـن غيـر صايـب=قلب الخطا يا رده النار تصـلاه
وخليتها تشعل على اشتعالي=..
قلت هذا كلام مالنا فيه مصلـوح=اما ذهاب المال والا اذهب الروح
وليا بدا للناس راعيه مفضـوح=والله شديد اعقاب للـى تهمقـاه
ولا يدخل الجنه خبيث العمالي=..
قالت لي انته ليش عقلك صخيفي=امرار اورا فيك وامرار اعيفـي
قلبي هوالك وانت ماانته شريفيو=الليل طال وعلمنا ما قطعنـاه
وانا ارخصت لك فيما تبا وانت غالي=..
قلت هذا كلام مالنا فيه فـاده=والود ما يخر على اهله سعاده
والنار ماتخر يكود الرمـاده=وانتي نسيتي ما يلمك مع الله
ولا واشيوبك تحت جرف هيالي=..
قالت لي اثرك من قلال المروه=والا هتيل ازنود ما فيـك قـوه
واللاش ماسر العرب مات ضوه=زند عمى وازنود نيران موشاه
وش احوجك للزوكه ولبس العقالي=..
قلت هذا لبس ابوي وجـدي=اضحك بعقلك ماتبيحين سدي
وانا سوات الجائز اللى معدي=واللا سباع بالفرائس مضراه
تجيب العشاء لو كان من فج خالي=..
قالت لبست الزين لاجل المزايين=امعكفات اشعوفهـن بالرياحيـن
وهذي عوايد للعيـال المتاقيـن=اللى يطونه طيب الربع ناطـاه
وروس تغط وروس دايم طوالي=..
وقلت غيرك فالعرب شي هواوي=لكن ماقلبي لـذا العلـم نـاوى
لحيث انا راعي بلاد وشقـاوي=والـود ماكـل يقيسـه ويقـواه
يبا فاضي الاطراف ما يسالي=..
قالت لي اسرح في بلادك وشانك=وانا اتعنـى يارفيقـي عشانـك
الغيض لقليب الخطا والرضا لك=يجي حبيبك حيث ماكنت تبغـاه
وانا ما نشدت اعن الصبا والعوالي=..
قلت انا كثير المزبين القبائل=يقولون رده من رجال الدلايل
واليوم عود في قبيح الفعايل=عزالله انه ولد ربـع مسمـاه
هل المعروف واهل الكرم فالحلالي=..
قالت الود ماعاب الملوك المناعير=اهل السيوف العقف حمر النواطير
وهذي من المولى علينـا تدابيـر=والود خلانا كما العـود والحـاه
ولا نقدوا فيه أهل عقف السلالي=..
فكرت وليا كني اعمى بصيره=من واحد جاني على غير سيره
ان كان قفا وين ابا القى نظيره=عيب الومه والا عيوب مخلاه
وبكره يبا يلقى رجال بدالي=..
وضميت مضنوني ضميم الوكايـد=ولا غير ذرعان الوليـف وسايـد
والليـل طـال ولالنـا بالعدايـد=لو كان اعد الوصف لاشك ابا اغواه
يشادي لمبدا الصبح واللا الهلالي=..
وصفت سيدي وصف ماني بغاويه=ينهب قلوب العاشقيـن ابتحاليـه
والماس والفضه تواشـا باياديـه=والجعد لو ينشر على الجسم غطاه
ولا قط غصنه مع هل الغي مالي=..
اجنوبه اللي كنها الخيزراني=اليا تثنى في يميني ولا نـي
اديب لى ماني على الله بكاني=نجم السعد قبله يسير ويبـراه
وظنيت في معقولى انه حلالي=..
وأنا اتفكر وافتكر وين أوديـه=والناس ما باها تحق النظر فيه
واللا وحس النجر فالدار نوحيه=وانه وتال العهد به وين مغداه
واليا اني فيا المجلس مشلا لحالي=..
أعوذ بالله من كثـر البـلاوي=هذا كلام صدق واللا هزاوي
واليا مشلا مسدحي والتكاوي=والبيت خالي من محله ومرساه
وهذى قصة حلمي اللي جرالي=..
بغيت أسير له ونادي في هل السوق=من كثر ما في خاطري له من شوق
واقول مالي راح ياناس مسـروق=واللي يجينى بخبره ياخـذ امنـاه
ابا اعطيه من مالي بليا كيالي=..
بغيت اسير فالدير واطرح اذمـار=واغير الديره والاقطـار باقطـار
من كثر مافي خاطري له من افكار=لين اجده والا العمر ياصل اقصاه
وهذاك عذري منك ياشف بالي=..
عودت أعذر في كثير المعاني=من ذلكم ياهل العقول الرزاني
لولا ليا ضقت اتهيض لساني=ليبين شيبي قبل وصله ومبداه
ولكن ربي مطلع كل حالي=..
واختم بذكر الله وذكر الحبيبي=يا الله تهون كل امر صعيبـي
ويا الله أنا طالبك تبدي نصيبي=يا واحد ما خاب حي ترجـاه
وفالطاعه اجعل خدمتي واشتغالي=..
التميز
الإهداءات
صب وسقاني لين كرم سبالي...؟
