الـواجب اللـــي يمنـــا نوفيــــــه=قـــدام لا يبـــدي علي راعيـــه
واللـــي له ماجــوب حــق يجيـــه=
الـواجبــة ما دونهـــا معـــذار=
جئنا لكم مثل العرب تشـريف=ما جئتكم شيّــال رمح وسيــــف
والحـق ما يأخـذه رجل ضعيف=
وعدنــا بلا حشمـة ولا مقــــــدار=
الحـــق ميــراده لذيـذ وقاســــي=لكـــن باذل لــه يدين وراســي
ولا تصــلح الــدلــة بلا حمّاســـي=
والكيـف نسقيـه الخـوي والجـار=
وإما شــرب عــدٍ غزيـر جمــه=وإلا غـــــدا عطشـــان فايـــر دمه
ما احد يطالع فيه ولا احد يمه=
يــومٍ غـــزر الجــــم عنــه غـــار=
حطيتني بالوجــه يا قصيــري=وثنيت نفســي للسنع ما غيـري
صكيت بابك وانطوى الحصيـر=
وهــذي مصيبــة تحيــر الأفكـــار=
ضيرتني غصباً وأنا من طيبي=خسرت لك عشاء العرب من جيبي
وأنته تعرف الصائبة والعيب=
الضيــف ما يجبــر على المخســـار=
جمعت ربعك تطلب التهاني=يا ليــت داعيكم غــدا ما جــاني
سمعت لي هرج ثقيل أرزاني=
يزعــــل الحــــرات والأحـــــــرار=
قصرت عني واجب الســـلام=وترســــل علي مع العــرب كلام
وأظن هــذا تعرفــه حــــرام=
طبــــع اليهود وســــالف الفجار=
هذي رموز العلم والتفصيـل=ليا قابــــل العميـــل للعميـــل
راع الكثير وصـــاحب القليـل=
كل يمــــــوح بدلــــــوه الآبـــار=
ماني بقـــائل صـــار منك وجاني=يا جــارمنت لا قــريب وعــاني
تزعـــل على كل العرب من داني=
لا تخلطــون البُر فــوق القـــــار=
ناديتكــم مثل العــرب واقفيتـوا=وخيرتكــم في علـوم ثم عييتوا
وإن كان ما تــدرون وش سويتــوا=
حطــول عدول الحــق للمحضـار=
وعلى يدين أهل الكمول انكمـــل=و إلا تشيلون الحمـل بالمحمــــل
وأنا علــى ظهـر الفرس ما أحـول=
ما دامـت إن النـار هـي النــار=
تغلط وتحكم وأنت ماأنت بقاضي=وأنا لهــذا الحكــم ماني راضي
والمــاء طفح على جنـوب الحــاض=
لكـــن طعــم المـاء همـاج وحار=
وإن كان ودك تشــرب وتسقينـــا=العـــدّ بين تنهـــل ويروينــــا
ترضى وحنـــا مثلكــم يرضينـا=
تنسى وننسى ما جرى ما صار=
التميز
الإهداءات
الـواجبــة ما دونهـــا معـــذار...؟؟
