غالي الناس !!!

أسعدكم الله

الأبيات بدون مقدمات

يامرحبا مليون يا غالي الناس=اشرب لفنجال المجبة على الكيف
مليت لك من صافي الود للكأس=والنبض بعروقي يلج الغطاريف
فرحان بك يا نادرٍ(ن)بين الأجناس=هواك زاد القلب والروح تشريف
وأبشر بمطلوبك على العين والراس=يرخص لك الغالي من السِيف للسِيف
أمر تدلل فوق ذاتي و هوجاس=جيتك فرحة للضلوع الملاهيف
عاشت عروقٍ(ن)قبل عطشى ويباس=شوفتك فكت للسرور المظاريف
عاد الأمل من عقب ما خيم اليأس=على المشاعر والشعر والسواليف
ربع فؤادي بشوفتك عذب الأنفاس=عاشت عروقٍ(ن)ضامها لاظي الصيف
ياريحة الكادي ليا هب نسناس=ماكني إلا أمير مصيافي جنيف
معك يطيب الجو يا عذب الأوناس=لا من سمعتك صاب قلبي زفازيف
وده يضمك داخله غالي الماس=يحميك من حاسد وناسٍ(ن)ملاقيف
يا بسمة أيامي ويارقة إحساس=يا مغرقتني بالعطا والمعاريف
غلاك عندي جاوز لكل مقياس=وحلاك بعيوني يفوق التواصيف
كلي على بعضي من الحسن محتاس=وإحتارت بوصفك لحون المحاريف
لكن هلا يا مرحبا غالي الناس=اقلط بقلبي مجلسك والهوى كيف

صح لسانك وذوقك واحساسك شاعرنا

صح لسسسااانك


يعطيك العافيه

صح لسانك روعة تسلم يمناك شاعرنا الراقي

صح لسانك يا استاذنا وشيخنا دائما تتحفنا بقصائدك

قصيدة راقية صح لسااااااااااااااانك

صح لسااااااااااااااااااانك

صح لسانك واعتلا شانك احسنت فيما نظمت


تقبل التحية

صح لسانك كفيت و وفيت ايها القدير


قصيدة رائعة

صح لسانك واعتلا شانك



ابداع يتجدد ولا يستغرب منك