الليل يا قصره كما نوض براق !!!

السلام عليكم ورحمة الله وبركاته


إستهوتني أبيات مبدع القاف


فجاريتها بما يلي


علها تروق لكم

الليل يا قصره كما نوض براق=اليا تقافا ما تعود فلوله
ساعة يكون القلب بالحلم ما فاق=والشوق للمحبوب مقبل رسوله
نبض الهوى بالقلب سواة دقاق=وليا صحا ولين ماشيء حوله
الا بقايا جرح وهموم وأطواق=ما ترحمك لو كنت بأصل وحموله
والشوق مثل الموت للروح زراق =خص(ن)ليا داعب شفاه معسوله
والا عيون(ن)نجل في رمش طراق=فوارس(ن)وشيوخ غصب ركعوله
ياكم تاهت بين مخرج و ممراق=يضيع فكره بين فعله وقوله
وأنا أشهد إن العشق للقلب حراق=كثير بين الناس منه معلوله
البعض منه يطاق والبعض مايطاق=واللي يصاب بعلته ما دعوله
محد(ن)بهذا الكون للحب ما ذاق=كل(ن)جنا من مزرعته محصوله
كن البشر تركض ورا الحتف بسباق=كلن على ليلاه يقرع طبوله
طول الأمل والحلم للعمر سراق=العمر يطوى والعرب مفطنوله
مهما يطول العمر لا بد لفراق=واللي من أول يضحكوا ولولوله
نهايته للتفت الساق بالساق=ولفوه بأكفان(ن)بسدر مغسوله
حتى الوفي ينساه لو يوم ماباق=أبعد مدى عليه ما حال حوله

صح لسانك . . قصيده رائعه . .

ولا تحرمنا من جديدك . .

تحيآآآآآآآآآتي

حقيقة دره تستاهل الوقوف عندها سلمت يمينك ياابا عبد الله تقبل تحياتي بكل ود واحترام

اقتباس : المشاركة الأصلية كتبت بواسطة ملك القوافــل [ مشاهدة المشاركة ]

صح لسانك . . قصيده رائعه . . ولا تحرمنا من جديدك . . تحيآآآآآآآآآتي

صح بدنك وبارك الله فيك



سعدت بك



الله يسلمك



تحيتي

اقتباس : المشاركة الأصلية كتبت بواسطة راع الصدق [ مشاهدة المشاركة ]

حقيقة دره تستاهل الوقوف عندها سلمت يمينك ياابا عبد الله تقبل تحياتي بكل ود واحترام

صح بدنك ولا هنت



سعدت بردك الطيب وحضورك المميز



لك خالص التحية

صح لسانك مليون ولا يكفون



رائع كعادتك



بنتظار جديدك


لك خالص الود

صح لسانك مدد ما هو عدد


كعادتك مميز فيما تدون



الله يعطيك العافية

صح لسانك



ابدعت لا هنت



سعدت بتصفح هذه الدرة



لك خالص الود

صح لسانك واعتلا شانك

درر يابن هليل

لا عدمنا ابداعاتك

صح لسااانكـ

والله يعطيك العافية ..

خالص الود
...