شعر ومشاعر
طاب الهوى والحظ والوقت ماطاب=يابسمة الأيام في عين جابر
انا تراني منك فاقد للأعصاب=قالت من ايش وقلت وانا مكابر
والله احبك قالت ايوه.....كذاب=فقلت ليش وقالت أنته مسافر
قلت الهوى يابنت ماسك بالألباب=لكن انا يابنت مغبون صابر
وش حيلتي يابنت في حظ منعاب=عيا يجمع شملنا حظ عاثر
عشر سنين القلب بالحب منصاب=ما حن قلبك ترحم لقلب شاعر
وأخر جزاي من الهوى خاطري شاب=ماعاد عندك للغلا جبر خاطر
ليش العتاب اللي يزعل للأصحاب=يدمي قلوب وفيه بعض المخاطر
تطعن محبك ما تحشم للأحباب=في هذي الطعنات بلحيل شاطر
تطعن بلا رحمة محبين بعقاب=والحكي بعضه مثل طعن الخناجر
إن كان انا في ناظرك صرت نصاب=ياقدرة الله ضاع حلمي بغادر
بحط من دون الهوى حد وأبواب=بريحك مني ولاني بناكر
أيام راحت ماتعود بالأطلاب=واللي بقي من عمر ماهو بعامر
ماعاد باقي للهنا عندي أسباب=ماباقي إلا ذكريات بدفاتر
تبقى لنا تذكار بعد الهنا غاب=نقشتها يامنية الروح بأشعار
وبغضي عيون الشعر عن لوم وعتاب=وامسح دموع الشعر ماضي وحاضر
طاب الهوى والحظ والوقت ماطاب=يابسمة الأيام في عين جابر
التميز
الإهداءات
بسمة الأيام في عين جابر !!!
رد: بسمة الأيام في عين جابر !!!
