سلامي واسوق الرجل في كل ميدان

سلامي واسوق الرجل في كل ميدان = واغني طروق الشعر من كل لوني

معي بندقي والعين من فوق نيشان =ولا همني فاالوقت منهو يكوني

هلا مرحبا وان سقتها ماانت خسران= لكن المصيبه لو تقول ارحموني
ياراع البنيدق راحت ايام الاكوان= وذلحين خلك تحت ظل الغصوني

المسعودي= ابووسام
صحت السنتكم
متابع للابداع من اساتذتنا الكرام

شاعرنا الفاضل ابو مشعل مرورك تاج على رؤوسنا وتشريفك بحد ذاته عطر المتصفح لك منا كل التقدير

تعوذ يابو وسام من كل شيطان = ترى باالتفت لك ثم احمر عيوني


هذيل الشجاعه فاالمواقيف شجعان =ولا يمكن انا ياالثبيتي نخوني

صح بدنك يابو مشعل ومتابعتك شرف

تعوذت منه وعندي ايقان وايمان = وانا اعرفك لقمه ماتوقي ستوتي
تميدح وهات علوم من دون برهان= رعودك سمعناها بليا مزوني

مشوار ربع ساعه وراجع ان شاء الله

انا خابرك فالسيل جايع وعطشان = سريع الغضب وتقول جاك الجنوني


علومي يبى يرجح بها كل ميزان = وغير علومه خاب معها الظنوني

وانا خابرك في كل الاوقات مرضان= ليا جاك زامك صحت قلت اسعفوني
علومك نصيفتها تشاكيل والوان= ياطيبك ليا شفت العشا فالصحوني