الله يسامح نظر عيني !!!

أسعدكم الله بكل مكان وزمان

هذه القصيدة محظوظة تعجلت بالنشر مع أن فيه قصائد سابقتها الى الأن ما نزلت

الله يسامح نظر عيني ويجزاه خير=صحى مشاعر بقلبي متعبه غافيه
قامت تلج النواح وبالحشا تستجير=تبحث عن احضان شوقٍ(ن)بالهنا دافيه
مثل الفراشات طاحت في لهيب السعير=ما حولها من دفاه ولا بها عافيه
من عقب فرقا وليفٍ(ن)للمشاعر عشير=الروح تاطأ على جمر الهوى حافيه
أحلام عمري ذبحها هجر خل وهجير=شاهت وجيه الحلوم ولا هي بصافيه
ترزح تحت ونة المشتاق شهق وزفير=محجوزةٍ(ن)خلف عوج ضعاف ونحافيه
ياليل عشق السهارى كيف مات الضمير=ما عدت تكسي لروحي حلةٍ(ن)ضافيه
ما نلت غير المواجع في عروقي نفير=وأحلام ليلٍ(ن)ثكالى فرش ولحافيه
ياليل وشبك تهاديني عنا مستطير=شيب رموش العيون وشيب القافيه
ما باقي إلا قليل العمر راح الكثير=أركض مع الدرب مقفي وأنظر خلافيه
ودي بليلة توقف للعذاب المسير=ليلة من العمر ليلة للوجع شافيه
ياليلة العمر وينك صار عمري قصير=الليل مظلم وشمعة ليلنا طافيه
ما عدت بقوى بعاد وصار صبري صغير=طال السهر والمسافة بيننا كافيه
وأنا أدري إن المحبة بننا طعم غير=لاني جفيت الغرام ولاهي بجافيه
أشكي جروحي على خلي وخلي خشير=في لوعةٍ(ن)بالحشا ماهي بتنشافيه
أقسى من الصخر وأنعم من خيوط الحرير=ترعى عروق الفؤاد بجور والطافيه
الله يسامح نظر عيني ويجزاه خير=صحى مشاعر بقلبي متعبه غافيه

تسلم الايادي وصح لسااااااااااانك

ابداع من شاعر متألق

رووووعة صح منطوقك ربي يوفقك

الله الله

صح لسانك مدد ماهو عدد


ابدعت لله درك

تقبل التحية

الله يسعدك وصح لسانك يا استاذ الشعر الراقي

صح لسانك ابدعت لا هنت ايها الشامخ

يا سلام على الابداع صح لسانك مليون ولا يكفون

صح لسانك ربي يسعدك رووووعة

صح لساتك دائما مميز فيما تدون


تقبل التحية

صح لسانك مليون ولا يكفون ابدعت لا هنت


تقبل التحية