ياطير يالـي بالجناحيـن خفـاق=يليت لي مثلك جناحين واطيـر
ابي ليامنه فضا خاطـري ضـاق=وتزاحمت بين الضلـوع التفاكيـر
انصا الذي بالحب محرقني احراق=بسهوم عينه سمر القلـب تسميـر
ابو خـدودن كنهـا لمـع بـراق=برق ٍ من القبله مزونـه مزابيـر
وابو ثمانن لا ضحك تشرق اشراق=تخوني فـي وصفهـن التعابيـر
والجسم عودٍ ضايمه حمل الاوراق=متناسق مابيـن ردف وخواصيـر
عليه دمعي فوق الاوجـان دفـاق=فوق الخدود يهـل مثـل النوافيـر
مسكين قلبي يـم طريـاه ينسـاق=سوق الركاب الي عليهن مناعيـر
ليا ذكرتـه حـل بالقلـب دقـاق=وتشكلت فرقة طبـول ومزاميـر
ياما بحثت لزايد الشـوق تريـاق=وعلى علاجه سقت مالي تباشيـر
ياوين وصل ٍ مايجي عقبه افـراق=وياوين خل ٍ ما يجي منه تقصيـر
منقول
التميز
الإهداءات
ياطير يالـي بالجناحيـن خفـاق..؟؟
