اكتب خطئية صاحبك فوق الوطا//وانقش جميلة صاحبك فوق الصفاه!!

مساءكم شعر ومحبه وخير

:
:
:
ياصاحبي ترى الحياه أخذ وعطا=وظروفها تمشي على كل إتجاه
والأدمي فالصح وألاّ فالخطا=الصّح صحّه والخطاء يبقى خطأه
ومن لا مشى الدرب الصحيح اليا خطا=الهم قدمه والملامه من وراه
واللّي مايدري وين بأقدامه وطا=اليا انكسر ساقه لاحد يبكي علاه
ووجه الحقيقه لو يغطّى بالغطا=لابدّ ماتكشف لك الدنيا غطاه
ولو راحت الدنيا مراويح القطا=مكسبك منها الطيب يامال الغناه
واحسب حساب الوقت لامنّه سطا=والصاحب الطيّب مثل طوق النجاه
اكتب خطئية صاحبك فوق الوطا=وانقش جميلة صاحبك فوق الصفاه
خطئيته تمحى ولو طال البطا=وجميلته تبقى على طول الحياه

:
:

وسلامة روسكم

عيضه الثبيتي

صح السانك يااخ عيضه وابيات في قمة الابدااااااااااااااع

لك تقديري

ابو فيصل لافض فوك ابدعت كالعاده

اعجبتني الابيات وحبيت ارد عليها واعذروني على القصور

ياصاحبي الادمي قبل يخطا = الله محدد سيرته لين الوفاه

والصاحب الوافي ترى لو يغلطا = مايكثر الزله ويزعل اصدقاه

والزله اللي جات من ناس اعبطا= مافادهم دمح الخطا زادوا لظاه

هم يحسبون الهرج مثل الشخبطا = هم يحسبون الناس كتله من غباه

ودام الحروف اليوم جات منقطا = العاقل اللي يحسب حساب الخطاه

صح لسانك



قصيدة جزلة من جزل



موفق

صح لسانك يا أبا فيصل


دائما راعي جزلات

بيض الله وجهك


ماني مجاريك مثل المسعودي

بني مسعود كلهم شعار

لكن هذا تعقيبي المتواضع

هذا الزمن أكثر هله ناس عبطا=وأبو لهب طاع الجهل تبت يداه
وبعض المرض دواه حد المشرطا=هذا على ما قيل للعلة دواه
إن طاب لك صاحبك والا فاشخطا=على سجله بالقلم واقلع غثاه

ليتك استهلكت الممكن من الروي لأن جرسه الشعري جميل

تقديري

أبو فيصل

صح لسانك وسلم بنانك وجاد بيانك

قصيده كتبت بتمكن واشتملت على العديد من الحكم

لاغرابه

تحياتي

ابوفيصل لله درك قصيده جزله كلها حكم
وليس بغريب على شاعر مثلك
تقديري واعجابي

صح لسانك واعتلا شانك



جزلة وافية بيض الله وجهك

صح لسانك جزلة من جزلك لله درك



تقبل التحية