الشوق والحرمان !!!

تهيضت القريحة بهذه الأبيات


علها تروق لكم


وترقى الى ذائقتكم

يا عين هلي صافي الدمع هليه=خليه يغدي فوق خدي عباير
على وليف غاب ماني بلاقيه=دارت بنا بعد التلاقي دواير
ما باقي الا ذكرياته لمغليه=والشوق والحرمان بالجوف ثاير
ودي بشوفه لو ساعة أحييه=شوفته تبري جرح بالجوف غاير
ليته قريب ليا دعاني البيه=وليا دعيته قال:بجيك طاير
هذا أنا راجيه وأرقب حراويه=حتى ولو قلت علي البصاير
عله يعود وكل مشتاق بجيه=ينزاح هم كاتمه بالضماير
وإن كان عيا يعود والوقت حاديه=يا قدرة الله بحمل الحمل جاير
ماني معذر فيه والا متناسيه=لأجل الوفا والله ماكون باير
هذا الذي من بدة الناس هاويه=والحر ما يرضى بغير الحراير
غيره من الزينات ما بيه ما بيه=حتى لو إنه بالمحاسن دماير
عسى جميع البيض بالعون تفديه=بالحضر والا من بنات العشاير
قلت:الجواب وليت منهو يوديه=ويجيب لي منه جميل البشاير

الله عليك


قصيدة جميلة جدا


كعادتك مميز مبدع


صح لسانك وعلا شانك


تقبل مروري

شاعرنا المبجل


صح لسانك مدد ماهو عدد


كما عهدناك لا عدمناك


مميز فيما تدون


صح لسانك مليااااااااار


تقبل خالص الإحترام

يبدو لي ان الامتياز عندك هي شيمه وليس موهبه كون ان جميع قصائدك ترقى للامتياز ومميزات كافه الفنيه والغويه يا شاعرنا المبجل ....تقبل مروري وتقديري

وقفت مطولا بين تلك السطور ولم تكن مجرد سطور اينما ذهبت تختال امامي

لن تكفينا الكلمات ولن تفيك حقك فقد تواريت كثيرا خلف إنهزام حرفي اما سطورك تلك

عدت لأقول : تُشابه حروفك شيئ في الأعماق

موفق لا عدمناك

حينما تتألق الكلمة


ويسمو الحرف


يولد الابداع


وهذا ما جمعته لنا هنا


صح لسانك وبيض الله وجهك


لك خالص التقدير والاحترام

صحّ لسانك أخوي بن هليل
قصيدة وافية من راس وافي
تقبل تواضع مروري

ودي بشوفه لو ســاعـة أحييـه
شوفته تبري جرح بالجوف غاير

ليته قــريب ليـا دعــانـي البيـه
وليا دعيتـــه قال :بجيـك طـــايـر


لن افيض شعورا اكثر من هذا
نزف لا نستطيع مجاراته
قرأتك فـ فاضت كأس أشواقنا
امتلئت بحرمان
لابد ان يكون هناك أنين
هو النداء ..
هو الشوق ..
هو ابلغ ما يقال ..
..


استاذنا بن هليل
صح لسانك للرضى




رائعة من روائعك التي دوما نستقي منها الجمال
وما زلنا نتعطش للكثير والمزيد والمتنوع والراقي
وكما عهدناك

سجل إعجابي بتلك اللوحة الفنية المختلفة والرائعة

من أعماق القلب .. شكرا مليار

شاعرنا بن هليل




صح لسانك على هالرائعة من روائعك




مبدع وفيلسوف ومخضرم شعر



حينما قرأت مطع قصيدتك ... تذكرت قصيدة الشاعرة اللت قالت :


ياعين هلي صافي الدمع هليه *** والا قضى صافيه اتي سريبه !!!

اللي يبينا عيت النفس تبغيه *** واللي نبي عيا البخت لايجيبه !!!



وهذا ان دل يدل على توارد الخواطر .. وعلى شاعريتك الفذة ...



الف شكر لك .. عى اشباعنا .. شعر


الف شكر لك .. على اطرابنا شعر




تقبل تحياتي

صح الله لسااااااااااانك وبيض الله وجهك

قصيدة تحمل في طياتها الشيء الكثير

الله يعطيك العافية

تقبل أرق التحايا و أعذبها