كأنها ضـرب الجنابـي وسـط قلبـي موجعـه
كل ما عالجتهـا سلـت مـن احـداب السيـوف
ما تقفـي ليـن قلبـي مـن ظلوعـي تنزعـه
العمر تمضـى سنينـه والحيـاه ابهـا صـدوف
والماسـي كالسفينـه فـي بحرهـا مشـرعـه
راحت ايامي سواد وصـارت احلامـي زيـوف
ولا بقى في دنيتـي يـا سيـدي شـي اجمعـه
ما جمعت الا الهموم وشاركتنـي فـي الحـروف
كل ما اكتب حـرف واحـد صـار همـي يتبعـه
كانـي اسيـر المعـارك ينتظـر نظـرة رووف
ينتظـر يطلـق صراحـه مـن قيـودٍ موجعـه
كان حظي ما نفعنـي وقـت ساعـات الوقـوف
وش يفيـد الرجـل حظـه كـان عيـا ينفـعـه
والله اني ما لبسـت الـذل وصفـات الضعـوف
والضعيف اضعيف وليا طـاح مـا حـدٍ يرفعـه
والصحيح الرووس رووس ولا تجي تحت الكتوف
ومن زرع له زرع يحصد للزمان اللـي ازرعـه
قالها عـودٍ معاصـر فـي زمانـه كـم يشـوف
كم حكا لي عن همـوم وعـن ظـروفٍ معمعـه
وقتها ماكنت اميـز جاهـلٍ فـي امـنٍٍ وخـوف
وقتها ما كـان همـي غيـر ميـن العـب معـه
ما علمت ان الحيـاه ابهـا تجاريـب وصـدوف
لين شفـت الجاهـل اللـي فـي حياتـه امعـه
وسلامــــــــــــــــتكم
التميز
الإهداءات
الظروف
