عد السحاب اللي يهل امطاره= برقه سرى والنود جات تكزه
سلام ياشيخً كبير وقاره =شاعر علم ونقدره ونعزه
قيدوم ربعه في نهار الغاره=والهيس بالحيلات ما يفتزه
ابن هليل غاليً مقدار=مايختلف في كل وقت وحزه
مثل طويق اللي تذاع اخباره= شامخ عزيز وربي اللي عزه
وطويق لو الجو زاد اعصاره= ثابت محله والهواء ماهزه
تعيش ياعدً سقا من زاره=عذبً قراح من الهماج منزه
تروا الضوامي من غزر تياره= ماهو بضحضاحً مشالا نزه
ولا رسيس ً ماه بالقطاره =اول وروده ترشفه وتمزه
ياشيخ لاتفتزك الثرثاره =اللي توطوط مثل صوت الوزه
يدفهم حاسدك حاره حاره =اللي للاثم دافعته العزه
ناسً تبا الطيب تطفي ناره =والخبل في وسق الشداد اترزه
لو الذهب غالي تخفظ اسعاره =من شان جلاابه تبا تبتزه
نار الحسد بصدورهم فواره =سوات جمرً يصتلي بالجزه
يوسف خذوه من الجب السياره=واخوانه اللي للضياع اتلزه
ترا اللبيب يعرف بالاشاره= واهل الشبيكه تعرف اهل الغزه
الدار دامك من ضمن شعاره=الدعم عنك يبدد ويجزه
الحي مايطرب هله مزماره =اخذ كلامي كم والا جزه
محمود ابن عباس يلعن عاره =من شان يحكم دمر اهل غزه
عندي على طول الزمان اسراره=ابليس في نحور العباد يوزه
ياسد مارب سدحتك الفاره =اللي تحدد نابها وتغزه
التميز
الإهداءات
الى حضرة الشيخ
