يابنت مانـي عـم جعلـك بلعمـا=العمـر تـوه ماتعـدا الاربعـيـن
وشفيك يابنت العرب هرجك طمـا=لاعـاد فوقـي يابنيـه تمزحيـن
مزحك جرح قلب الابيب المسلمـا=ياويل من يجرح شعور المسلميـن
لاكن انـا بعطيـك علمـاً يفهمـا=علماً علاه الشهود حتـى تفهميـن
ابوي حصني بعـد غصنـي نمـا=من شان مطالع يسـار ولايميـن
وقال انتبه حـذرا تحـول للحمـا=هذي مذاهبنا علـى سنـه وديـن
وحذر الطالع في نجوماً فا السمـا=والقلب في بعض المعانـي لايليـن
ونصحك لونك تموت مـن الظمـا=تارد قدير(ن) جمته طحلب وطيـن
والسانك احصانك لايلصق فا الجما=ولاتطلقه فـوق العبـاد الغافليـن
واليابرق بـراق والموقـف حمـا=انطح شيوخ القوم با الجنب المتين
ارجوك ثم ارجوك بيـه ترحمـا=ارحم قتيل الحب ياصاف الجبيـن
حـاول اتجامنـي وقلـي تسلمـا=بلاشي التحطيـم والعلـم الدفيـن
ولاتـرى جميـل شاعـر ملهمـا=يصخر بيوت الشعر ويجيب السمين
شاعر اليامنه رمـى يعنـي رمـا=اليارميت اخلـي الحبـه طحيـن
والذيب ولد الذيـب يقـدر يهجمـا=وانا سوات الذيب ونتـي تعرفيـن
يصخيف الذرعان هرجـك علقمـا=والصبر مر الله يعيـن الصابريـن
واليوم جاك العلـم ماهـو مبهمـا=لاعـاد فوقـي يابنيـه تمزحيـن
التميز
الإهداءات
مزحــة : جعلـك بلعمـا
