منك و اليك !!!

أسعد الله أوقاتكم

الأبيات

...

بسم الله الرحمن تحصيل حاصل=لبيه يا الخرعوب لبيك لبيك
يا سيدة نبض الهوى بالتواصل=يا علني يا روح الأشواق فاديك
فديت روحك والوصل والتفاعل=مع كل طاروقٍ(ن)تغنى بطاريك
يا نبض قلبي في جميع المحافل=أحيا وأموت وعزة الله مغليك
أكبر مصيبة بالغرام التجاهل=وأكبر مكاسب ياغلا قرب شاريك
هواك ماسك في جميع المفاصل=دواه يا كل الغلا منك واليك
والله لو أدري بيوم انتقابل=إني لصوم عن النساء لين الاقيك
اصوم من شأنك صيام متواصل=لين العروق تبلهن بأياديك
ما احط ما بين المشاعر فواصل=دام المشاعر كلهن تناديك
مشاعري يمك تسير قوافل=تجيك وأنا بالقدم عاجز اجيك
أون وأفكاري براسي تقاتل=بين الرجا واليأس تنخا وترجيك
الشوق فيني مثل نار المفاعل=وأحلام عمري من شبوبه مهاليك
متى تريحني بليا مجامل=تكسب ثواب بقلب عاشق مهاويك
أجره يعادل لأجر من كان كافل=يتيم ماتوا والديه بتهـاليك
راحوا ضحية للقصف بالقنابل=سواة حالي يوم أنا ميتٍ(ن)فيك
مالي وسيلة غير باب التراسل=عزاء لقلبي كل ما ون باغيك
والحمد ل الرحمن تحصيل حاصل=لبيه يا الخرعوب لبيك لبيك

الله يعطيك العافية


صح لسانك قصيدة رائعة

الله الله

صح لسانك يا استاذ الشعر

وصباحك معطر برضا الرحمن ان شاء

تقبل التحية

ابداع لله درك وصح لسانك تقبل الاحترام

صح لسانك بدعت فيما دونت الله يعطيك العافية

صح لسانك احسنت لا هنت ايها الراقي والمبدع

صح لسانك دائما متميز


تقبل التحية

صح لسانك شاعرنا روعة ربي يسعدك

ما قصرت صح لسااااااااااااااااااانك

قصيدة ممتازة صح لساااااااانك