مرت شهور الوضع ما كان عادي=لو كان عادي ما تعبنا من الشوق
من نومي أصحى تالي الليل أنادي=وينك تعال اقبل ترى القلب محروق
ناديت لكن من يجيب المنادي=وإلا يرد لقلب بالحب مسروق
يا منيتي يا غايتي يا مرادي=ارفق بحال اللي من الوجد معلوق
ياعلني أهنى بطعم الرقادي=لو ساعةٍ(ن)من ليل بتريح الموق
العين طاولها شديد السهادي=والصدر فوق القلب ضايق ومطبوق
أون ون اللي طعنه المعادي=كاسر ثلاث ضلوع ومقطع عروق
وإلا سجينٍ(ن)موثقين القيادي=مظلوم والسجان ما يعطي حقوق
القيد واسم بالرجل والأيادي=من حرقته والقهر ما يبان منطوق
حاله مثل حالي بليل الهجادي=لا من ذكرت اللي تميز من الذوق
أهواه لكن حال دونه بعادي=بعد المسافة والزمن كبر العوق
سكن غرامه في عروش الفؤادي=والحظ حايل بيننا دونه عيوق
نار الهوى عيت تعود رمادي=تحرق بروحي مغرب الشمس وشروق
تكوي عروق الجوف رايح وغادي=ما تعرف الرحمة ولا تعرف رفوق
أيامي البيضا غشاها سوادي=هذي علاماته على قاف وطروق
مرت شهور الوضع ما كان عادي=لو كان عادي ما تعبنا من الشوق
التميز
الإهداءات
الوضع ما كان عادي !!!
رد: الوضع ما كان عادي !!!
