القلب دقاته بصدري سريعة !!!

الأبيات بدون مقدمات

أربع سنين الوضع يازين غامض=محتار ما بين الوصل والقطيعه
بين الفعل والقول حاصل تناقض=مدري وش اللي نشتريه ونبيعه
نظام قلبك حاصلٍ(ن)به تعارض=أنته عصيت القلب وإلا تطيعه
إن قلت لك حلو الهوى قلت حامض=وإن قلت مر تقول مقبل ربيعه
مذهب غرامك حرموه الروافض=صدك وهجرك للمهاوي فظيعه
الشوق والحرمان مثل القوارض=ترعى بقلبي والمواجع مريعه
الدم ضغطه مرتفع ماش خافض=القلب دقاته بصدري سريعه
حكم الهوى نافذ على القلب فارض=سجن مؤبد غير حكم الشريعه
حكمه سياسي ما لقيت له ناقض=غصبٍ(ن)عليّ أنفذه ثم أطيعه
حاكم وظالم ميده والمعارض=بعض قوانينه عليّه شنيعه
ماهو بصافي يعتري له عوارض=ضيق صدورٍ(ن)قبل عرفه وسيعه
أربع سنين الوضع يازين غامض=محتار ما بين الوصل والقطيعه

صح لسانك واعتلا شانك



ابدعت لا هنت


تقبل التحية

صح لسانك شاعرنا ربي يسعدك وما يحرمنا ابداعاتك

صح لسانك ولحساسك


رائعة من روائعك


تقبل التحية

صح لسااااااااااااانك وكل كيااااااااااااااااانك

قصيدة ممتازة صح لسانك يا استاذ الشعر

صح لسانك قصيدة راقية ورائعة يعطيك العافية

رووووعة استاذنا ربي يعطيك الف عافية

صح لسانك واعتلا شانك


ابداع غير مستغرب من استاذ الشعر


صباحك رضا

رووووعة يعطيك الف عافية وصح نبضك