ليلة البارح سرت بي هجوسي ثم سريت=يم دارٍ(ن)ساكن الزين في مرباعها
زارني هاجوس ليلي عسفته وإمتطيت=صهوة الفكرة وروحي تروم أطماعها
في ثواني زرت مضنون عيني وإرتويت=من شرابٍ(ن)حلته من حلاة أطباعها
قلت أنا جئيتك من أقصاي كلي كمليت=قالت أرحب دوك روحي بكل أوضاعها
يا هلابك مرحبا يا زعيمٍ(ن)في ثبيت=من قبيلة لعن بو حي من لا طاعـها
قلت أنا لي حاجةٍ(ن)قالت أبشر وش بغيت=قلت:حاجة مثمنة ما ربح من باعها
جئيت أدور حاجتي وإن عطيتيني عطيت=لو تبين الروح فدوتك كل أسناعها
قالت: أبشر بالطلب بس لي شرطٍ(ن)ياليت=المحبة بيننا ما تلف شراعها
قلت: ربي يأخذ الروح كاني ما وفيت=عهد مني ما تنوش الهبوب فراعها
قالت:أدري بالوفا فيك ما مثله لقيت=والك مني ما تبي بس نفسي راعها
لا تلوعني ليا رحت عني ما سليت=ثم دقت فوق صدري براس إصباعها
قلت:والله ما سليتك ولا عمري نسيت=كيف بنسى شمس روحي ونور إشعاعها
لو بغيت أنساك ما جئيت عندك ثم شكيت=وأخذت بكفي وحطته فوق أضلاعها
قالت: اسكن بالحشا ما بذا الدنيا حييت=ما يحل بساحة العشق غير سباعها
الله الله ياهجوسي سريتي ثم سريت=يم دارٍ(ن)ساكن الزين في مرباعها
التميز
الإهداءات
أخذت بكفي وحطته فوق أضلاعها !!!
رد: أخذت بكفي وحطته فوق أضلاعها !!!
