رنـــة الجـوال بالــرقم الغـــريب=وانقطــع لحظــه وعـاود رنتــه
قلت مَن ويـا هـلا بك يـا مجيــب=واندهشت لصوتهـا من لهجته
قـال تذكر يوم راجـعت الطبيـب=كنـت تلقـاني مـرار بصحبتـه
قلت ذا هـو أنت طـولـت المغيب=قـال لي بس الظـروف وحـدتـه
قلت لـه أمـر تدلل ويـش أجيــب=قال أخـذ رقمـي وهذي نمرتـه
السـفر يا صاحبي أصبـح قـريب=وإن نزلـت لمصــر أنـا في جنته
قلت علمني تـرى أمرك عجــب=قـال راع الشغل عجـل سفرتــه
قلت ليه وقال لي أخطي وأصيب=وحسبي اللـه ما تقدر غلطتــه
قلت صبـرك لا تعجـل للمـغيب=بكره يبـان الخـبر من صحتـــه
قال طيب أنت لي أوفى صحيـب=قام يشكي لي ظروف بغــربتـه
قلت صبرك لين يصلح كل عيـب=والـزمن دوار هـذي ســـنتـــه
قال حاضر بس خلك لـي حبيب=ما درى إني شـفي لـمحبتـــه
و إبتدينـا بالغـزل شـي رهيــب=فرحتي ومناي أسمع ضحكتــه
بين عهـد ووعـد أشـواق ولهــيب=احتـرق قلبـي وضيع بهجتـــه
مر يحلـف لـي بعينــه والقليــب=ومر يحلـف لي بمَن ذي قبلتــه
قلت في نفسـي لعلي مـا أخيــب=ليـن سـوا بالنهـاية فعـلتـــــه
وارتحــل عنــي وخــلاني كئيـب=منجــرح قلبـي لشي ســوتــه
لو هــذا صار مع قــوم الصيــب=ما غـدر بي لو قليل مــروتـــه
بس هـذا صار من واحـد صعيب=ما تميز ضحكته من دمعتــــه
ما تعـرف إنـه صـديق ولا حـريب=ولا أنت عارف وين تكمن علتـه
سـافر وعقـب بقلبي كـــل ريــب=صرت أخاف الناس تتبع ملته
التميز
الإهداءات
الرقم الغريب....؟؟؟
