أسعدكم الله أين ما كنتم
كنت اسجل مقطع صوتي وما عجبني استشرت وحدة قالت يهبل قلت لا فيه بحة
قالت وهل يزين الرجل الا بحة صوته
عرفت منها أن النساء لا تحب الصوت الناعم مثلنا معشر الرجال
فهن يستهويهن الصوت الرجولي مثل ما يستهوينا الصوت الأنثوي
فكانت هذه الأبيات
اللي يقرأ القصيدة يقول لنا رايه هل هذا الكلام صحيح
والا غلط والا يحتاج مزيدا من التحري والدراسة
بحة الصوت ميزة بالرجال الكبار=ورقة الصوت ميزة في بنات الحلال
مايشابه لها بالصوت غير الصغار=والنساء ما تحبك ياصغير العيال
تطرب لصوتنا بنتٍ(ن)تعرف الحرار=ونطرب لصوتها ويصير فينا هبال
صوتها يخترق للسمع ويشب نار=في قلوبٍ(ن)تفرق بين قبح وجمال
يقدح الشوق فينا مثل قدح الشرار=ثم نتبع هواها بالوصل والوصال
لين تصبح لنا موطن ودار ومزار=بعد كانت قساوتنا شبيه الجبال
القساوة بنا فطرة ولاهي بعار=والنعومة بهن تطرح شموخ الرجال
الله اللي خلقنا عالمٍ(ن)بالمسار=عارفٍ(ن)مانريد بكل وقتٍ(ن)وحال
حكمة الله تعالى مالنا من خيار=نهتوى بعضنا تدبير عال الجلال
النساء تهتوينا دام فينا إقتدار=مثل ما نهتوي فيهن حسن ودلال
ياهوانا هواكن حل في كل دار=إستحل القلوب وشاغلٍ(ن)كل بال
في جميع الأماكن ماش منه فرار=يالله إنك تقنعنا بما هو حلال
التميز
الإهداءات
بحة الصوت !!!
رد: بحة الصوت !!!
