يا قربك ويا بعدك !!!

أسعد الله أوقاتكم


اليكم الأبيات

تخاصمنا كما الأطفال ونصالح كما الأطفال=كذا ودي حبيب الروح دوم يشاكس لـودك
أجيك بلهفة العاشق وأروح بحسرة المغتال=وأعود بيومي الثاني أشم الورد في خـدك
وتسرقني بنظراتك حيا مدري وله وهبـال=أحس برعشتك لا لامست يدي طرف يـدك
لكنك ما تصارحني تعارض للجواب سوال=تمنع ثم تمنعني وتفصـل حـدي بحـدك
حبيبي لا متى نبقا انا وإياك في ذا الحـال=ترى طول الزمن لا هدني يافاتني هـدك
أشوف الشوق بعيونك لكنه صعب ماينطال=وانا اللي لو طلبت عيوني الثنتين ما أردك
حبيبي وش نهايتنا تبي نقعد قفـا وإقبـال=نعاني ما نعاني وأنت يا قربـك ويابعـدك
تبينا نقضي الأعمار نشكي حظنا الميــال=ونشرب من عطشنا آه ياحري ويابـردك
إذا تقدر انا مقدر وهذا يا هـواي محـال=محال إني أحس بحاجتك وأروح ماأمـدك
انا مكذب عليك إن قلت لك ترى الزمن ميال=أخاف من الهوى لايموت لا من جابه لصدك
تمر شهور بعد شهور وأيام وليال طــوال=وانا محتار ماني عارف بهـزلك ولا جـدك
تخاصمني كما الأطفال وتصالح كما الأطفال=كذا ودي حبيب الروح دوم يشاكس لـودك

مصافحة أولى


صح لسانك ملياار


ابداع معهود ومتجدد


تقبل التحية

يا سلام عليك يا مبدع القوافي


صح لسانك مدد

يا سلام عليك



سجل اعجابي بما دونت

بصراحة قصيدة قمة بالروعة والذوق


تسلم ايدك

تقبل مروري

لله درك

جزلة من جزل صح منطوقك اخوي بن هليل

تسلم يدك وصح نبضك روعة بروعة فكرك ربي يديك الف عافية

صح لسانك وبيض الله وجهك

على هذا الابداع والتألق

لك التحيه والتقدير

صح الله لساااااااااااااانك

قصيده تعانق الابداع وتتزخرف بالتميز

كماعهدناك

الله يعطيك العافية

تقبل تحيااااااااااااااااااتي الخااااااااااااااااااصة

صح لسانك مدد


ابدعت وامتعت