الصاحب اللي صحبته وقت الفراغ !!!

أسعدكم الله

اليكم الأبيات بدون مقدمات

الصاحب اللي صحبته وقت الفراغ=لا تعتمد فوقه ليا حدك لزوم
لا تعجبك ميلة عقاله والشماغ=عند اللوازم لو نخينه ما يقوم
لا تكسر لنفسك عليه تقول باغ=تراه ما ينفعك في شيل الهموم
وقت الله الله لن نصيته عنك راغ=روغ الحصيني من ورا رمث الحزوم
عامله بالحسنى كما طفل المراغ=لكن لا تكشف له أسرار العلوم
جمل له المنطوق تجميل الصباغ=اللي يجمل للمباني والهدوم
جادله بالحكمة ترى الحكمة دباغ=تغسل لعقل المستمع من غير لوم
وإن جادلك جاهل حذاري له تلاغ=تجهل مثل جهله ولو كان مهزوم
الحلم ثوب العقل والقوة لباغ=والذل للي يتبع لقومٍ(ن)رخوم
هذا قصيدي جالكم مني بلاغ=قلته على حسب العوايد والسلوم
الشطر الأول ينتهي قافه بأغ=والشطر الأخر ينتهي قافه بأوم
والصاحب اللي صحبته وقت الفراغ=لا تعتمد فوقه ليا حدك لزوم

صح لسانك قصيدة ملئية بالحكم



الله يعطيك الف عافية

صح لسانك واعتلا شانك جزلة من شاعر جزل


بيض الله وجهك

تألق معهود


صح لسااااانك واعتلا شانك


جزلة من شاعر جزل

صح لسانك واعتلا شانك


قصيدة راقية


الله يعطيك الف عافية

صح الساااانك يابن هليل ويعطيك العاااااافيه

احتراااااامي

شاعر ما فيك حيلة صح منطوقك........خالص الاحترام

تسلم الايادي وصح لساااااانك قصيدة حلوة

صح لسانك شاعرنا الراقي ربي يسعدك

صح لسانك مدد ماهو عدد



دائما مبدع لله درك