بسمة الخير !!!

مساكم معطر بذكر الله

الأبيات

حسب العوايد على سلم القبايل والسواير=يا مرحبا يا هلا باللي لفتني حزة عصير
تشبه لضوء القمر مدري سنا بركان ثاير=لكنها عطرت من عطرها للجو تعطير
سوت على قلبي المغرم من الفتنة دواير=قوافي الشعر جتني لأجلها عسكر طوابير
يابنت ياللي نعومة كفها مثل الحراير=واظافر الكف وردية تجمل للمناكير
صوابع الكف ممشوقة تشابه للسجاير=متميزة في حلاها والحسن بين الغنادير
الشعر والنثر في توصيفها يا بنت حاير=سبحان ربٍ(ن)مجمل صورتك يابسمة الخير
نهبتي لقلب شاعر جاك عقله عجل طاير=ما عاد به حيلةٍ(ن)يحتالها وإلا معاذير
لو كان روحه تروح فداك يابنت الحراير=لأجلك تهون الصعاب ولا يحسب للمحاذير
المال والحال من شأنك ترى ما هي خساير=ما عاد يحسب حسابك يا طويلات المشاوير
تكفين يا بنت دمعه لا تخلينه عباير=ترى دموع الرجل مذلةٍ(ن)عند المناعير
هلي بشاعرك وإلا قولي المطلوب جاير=من عقبها يا مناة الروح بيجي له تفاكير
اما تجود بحبل الوصل وإلا راح غاير=لن صار من دون وصلك ياهوى باله محاذير
إن ما تحقق مراده راحت أحواله دماير=لكن على ربنا يا بنت حسنات التدابير
الواحد اللي بعلمه عالم بكل السراير=ماشي علينا قدره وحظنا حسب المقادير
حسب العوايد على سلم القبايل والسواير=يا مرحبا يا هلا باللي لفتني حزة عصير

صح لسانك استاذنا ربي ما يحرمنا جديدك

لا امتلك الا ان اقول لك صح لسااااااااااااااااانك

صح لسانك مدد ماهو عدد


ابدعت ايها الشامخ


تقبل التحية

رائعة من روائعك



صح لساااااااااااااانك

صح منطوقك ايها القدير


تقبل التحايااااااااااا

صح لسانك مليون ولا يكفون ابدعت كعادتك

صح لسانك واعتلا شانك



تقبل التحايااااااااااااا

صح لسانك شاعرنا المبدع ربي يسعدك

رائعة من روائعك يا استاذ الشعراء