يطبخ الشوق !!

الأبيات أهديها لكم

حبيبتي غاري عليه بكيفك=غيرتك نارٍ(ن)فوقها يطبخ الشوق
هبي عليه من خماسين صيفك=خليني اعرف طعم غيرتك واذوق
فنجال من غيرتك كيفي وكيفك=لو الفؤاد يصير جمرة ومحروق
بشربك عشق وشوق ما قلت حيفك=ياللي غلاك أغلى من النون والموق
سلي عليه من تغليك سيفك=لولا الغلا ما لان عاشق لمعشوق
ما هو بقي من عمر فأنا وليفك=بالحل والترحال فاكرك وأتوق
أتوق لمواصلك قلبي حليفك=يا كاملة بالحسن والدل والذوق
ماني بسالي عن غرامك وطيفك=أنيس روحي دام من دونك عيوق
طيفك يذكرني بماضي طريفك=اللي سكن بالقلب وإستوطن عروق
في كل ليل أذكر لهايب عسيفك=لن مرت الهاجس خرس كل منطوق
أنتِ(ي)ربيع العمر وأنا خريفك=يا ملهمة للشعر في كل طاروق
ماني بلاقي بالعذارى وصيفك=يا عالية نفتي على البيض من فوق
حبيبتي غاري عليه بكيفك=غيرتك نارٍ(ن)فوقها يطبخ الشوق

صح لسانك ايها القدير رائع



تقبل تواجدي

ابداع الكلمة صاغتها روح ذهبية..
استاذي صح نبضك والقلم
لك التحية والتقدير

صح لسانك مليون ولا يكفون


احترامي

صح لساااانك بدعت في قصيدتك يعطيك العافية

ممتاز صح الله لساااااااانك

صح لسانك مدد ماهو عدد


تقبل التحية

صح لسانك وكل كيانك ابدااااع لله درك

كلام جميل صح لساانك

صح لسانك وكل كيانك


احترامي