اشوف بسمتها من الالاف ميل
واحسها ساكن بوسط الحنايا
بنتن هواها نكل القلب تنكيل
وصرت اطالعها بكل الزوايا
ما عاد بيا على افراقها حيل
اشوفها حتى وانا في رؤايا
ارد اشرب قهوة ابدون هيل
يمكن يكون الهيل اثر معايا
وقهوتي اخذت ماها من السيل
ون الحبيبة جات تمشي ورايا
يا بنت ياللي ما لها اي تمثيل
فكي قيودي لو تبي من يدايا
يا بنت يالي مشغلي بالتفاصيل
وتعيش ما بين الكبد والرئايا
في عيدها الثاني ابرسل مراسيل
وابعث لها اغلى التحف والتحايا
وارتل الاشعار باحلى اتراتيل
واعطيه قيفاني وشعري هدايا
يا نسمة(ن)غنيت فيها مواويل
يا نجمة(ن) ضأت باعلى سمايا
يا شمعة(ن)تشعل بقلبي قناديل
ويسيح منها الحب عبر الخلايا
يا غنوة غنيت في صيف ابريل
لازلت اذكرها صباح ومسايا
يا بنت ياللي مشغلي بالتفاصيل
وينساب منك الشهد عبر الثنايا
جودي عليا وامطري بالمواصيل
اسقي فؤادي باللقا يا ضنايا
جفت عروقي من فراقك بي الويل
ويبقى الامل لي باللقا بك عزايا
ونفسي اعللها بذكرك تعاليل
لاينقطع بي من الهي رجايا
يا بنت ياللي ما لها اي تمثيل
جودي عليا باللقا ياضانيا
التميز
الإهداءات
جودي عليا وامطري بالمواصيل
