بقايا الشوق من عمر الغرام !!!

صباحكم شعر

اليكم الأبيات بدون مقدمات

يا بقايا الشوق من عمر الغرام=إرحم لقلبٍ(ن)تعنا من هواه
ذاب من نار المحبة والهيام=الهوى من جمر نيرانه كواه
المشاعر تطعنه طعن السهام=التصبر يا ضلوعي ما حماه
يرقص من الوجد رقصات الحمام=من غرام اللي تركد ثم رماه
الهنوف اللي مراميها تمام=جودت طعنه ولا مدت دواه
أحرمت للعين غفوات المنام=خافقي في حبها حظي دعاه
طاح من حسنٍ(ن)مخبيه اللثام=بالثمان وبالعيون وبالشفاه
لن تكلم يأسر القلب الكلام=الحروف تزين من منطوق فاه
يا غرامي كيف حللت الحرام؟=كيف تنهب قلب عاشق من حماه
كيف ما تخشى العقوبة والملام=فعلتك هذي من أفعال الجناه
جئتك بكلي من أقصاي خام=جئتك بقلبي بعد حبك غزاه
ما دريت إن الهوى يجلب سقام=لين قلبي بالهوى ربي بلاه
صرت تايه في متاهات الحلام=لين عمري بالزمن ربي طواه
ما نفعني لا قصيد ولا حسام=جف ريقي والغضي ما طلت ماه
حال من دونه مسافات وعسام=والمكاسب لهف في قلبي جناه
أتمنى وأتوجد والسلام=وا عنا قلب المولع وا عناه
يا بقايا الشوق من عمر الغرام=إرحم لقلبٍ(ن)تعنا من هواه

شوق وشقاوة محببة من المحبوب
الشاعر بن هليل
صح لسانك لك التحية ولتقدير

صح السااانك يابن هليل ويعطيك العافيه

احتراااااامي

صح لسانك مميز فيما تدون


تقبل التحية

صباحك سعادة


صح نبضك شاعرنا ربي يسعدك

صح لسانك مليون ولا يكفون


ابداع معهود

يا سلام عليك شاعر متمكن صح لساااااااااااااااااانك

صح لسانك مبدع مثل ما عهدناك

صح لسانك قصيدة رائعة لا هنت

مصافحة فاخرة ونص يعانق الغيم شعر وشعور وروعة

صح لسانك واحساسك ملايين
مبدعنا شاعر القوافل دام لنا ابداعك ياقدير

لاهنت وبيض الله وجهك

تحيتي وتقديري لك .