أسعدكم الله بالدنيا والأخرة
اليكم الأبيات
ياللي تسارقني بطرفك مسارق=حاسب على قلبي من مسارق الرمش
ترى شهاب الطرف للقلب حارق=سهمه سريع ليا إنطلق داخله خش
ياسرع سهم الرمش للجوف خارق=وقع بقلبي ياهوى وتركه نفش
ويزيدني ذبحة جمال المفارق=وريح العطور اللي على الصدر تنرش
غير الجبين اللي كما نوض بارق=لا من برق يهشني للهوى هش
سواة بدر بليل صافي وشارق=ما حال دونه غيم وإلا تغبش
ثم أشقرٍ(ن)من جانب الصدغ زارق=الضوء لن لامسه يقدح كما فلش
ذبحتني من غير حرب وبيارق=بسلاح طرف العين لا منه أرمش
ماعنه من دون المعاليق دارق=أصاب قلبٍ(ن)مادخل باطنه غش
ياللي جمالك بالخراعيب فارق=دخيل حسنك أبرش الدرب لي برش
إرفق بحالي قبل لا أكون غارق=وشلون ينقذني من بحورك القش
لن طحت في بحرك بليا زوارق=ما من مفر بصير مطعوم للقرش
وأنته تحمل وزر روح المفارق=بحكم القضاء تنحد ما يكفي الإرش
بكل الشرائع صرت بالحب مارق=سلبتني قلبي بعد صار لك عرش
ياللي تسارقني بطرفك مسارق=حاسب على قلبي من مسارق الرمش
التميز
الإهداءات
حاسب على قلبي من مسارق الرمش !!!
