ياموطني ياموطن الحـق والنـور=دار الملوك اللـي يلالـي سعدهـا
دار الحرار اللي لهم صايب الشـور=أل السعودالويل من جـا نصدهـا
جاها معزي قربته من على الكـور=عبد العزيز اللي سيوفـه جردهـا
ثم احتماها من يد الغـدر والبـور=عروسة (ن) تزها الخواتـم بيدهـا
واليوم ابو متعب بنى للعلا سـور=معـه حـرار(ن) يستعـز بهددهـا
تضحك سما الدنيا فرح حب وسرور=مستبشره والعيـن طايـر سهدهـا
جانا الخبر واسترت قلوب وصدور=علم(ن) موكد من مذيعـه وكدهـا
تباشري ياالمملكـه حـظ موفـور=ولي عهدك طاب واقـري سندهـا
تسلم يابو خالد من الباس والجور=ماتت عيون المغرضيـن برمدهـا
تلبس لبوس العافيه درع وستـور=ماجور مـن دنيـا تزايـد كبدهـا
شعبك معك قلب واحاسيس وشعور=شيب وشباب ورضع(ن) في مهدها
كن الثواني مشيها سنين وشهـور=ياثقلـهـا ياملـهـا يانـكـدهـا
بحر الندى يعطي العطايا بلا شـور=حتى الدراهم مـن يدينـه نقدهـا
الطب قام بخدمتـه وامـن الـدور=وهذا القليل المختصر مـن عددهـا
والخاتمه يـا الله يامنـزل الطـور=تكتب لنا الجنـه ونشـرب بردهـا
التميز
الإهداءات
سلامة سيدي سلطان بن عبد العزيز حفظه الله
