المعذرة طولت عليكم
اليكم ما تيسر من أبيات
علها تروق لكم
نامت عيون الناس وأنا لحالي=أصارع الأفكار وأساهر الليل
تمرني ما بين مر(ن)وحالي=مر(ن)تجي عدلة ومر بها ميل
قامت هجوسي في ضميري تلالي=أحط بالأفكار بالليل وأشيل
شيء من الواقع وشيء خيالي=أذكر زمان فات وأرقب مقابيل
أهد وأبني والتوالي لوالي=بنات فكري بالمثايل محاميل
فكر(ن)ينومسني بمحفل رجالي=ماني مطاوع فيه راي المهابيل
اللي يحبون الغثا والجدالي=وليا فتشته ما تلاقي محاصيل
اللي منافعهم لبنت الحلالي=لو إنهم بالشكل مثل الرجاجيل
منهو تربى في كفوف الدلالي=ما ينطح الفرسان لا دكت الخيل
شجاعته ياهم يا هم لالي=لا يقضي اللازم ولا يعدل الميل
هذاك يا زينه بوقت التسالي=كله على ما قيل راعي تهاويل
والصنف الأخر من صنوف العيالي=شرابة الفنجال ذباحة الحيل
أهل السيوف المشرعة بالنزالي=وأهل العقول الراسية والتماثيل
يجي لهم وقت اللوازم ظلالي=ما يشتكون من الفلس والمداخيل
يرسون بالميقاف مثل الجبالي=ما همها من عاتي الريح والسيل
طبيعة بالناس بأول وتالي=ماهم سوا بالعقل والشكل والحيل
وختامها ماني مطول مجالي=عنوان خلفه باقيات التفاصيل
التميز
الإهداءات
أصارع الأفكار ...!!!
رد: أصارع الأفكار ...!!!
