أسعد الله أوقاتكم
الابيات من مخزون الذكريات
الله يعيدك يازمان الحويه=بذيك الطلوح اللي بها الفي داجي
وأشوف مضنوني يسلم عليه=ناقش يدينه بأحمرٍ(ن)فيه داجي
وليا تلاقى الكف بالكف هيه=اللمسة اللي ما لها من علاجي
إلا نتلاقى كل صبح وعشيه=ويكون ولفي بالليالي سراجي
نروي عطشنا قبل يوم المنيه=نطفي غرامٍ(ن)بين الأضلاع لاجي
يشرب ينابيعٍ(ن)من الشوق فيه=وأعيش باق العمر بالحب لاجي
إن إشتكى حسيت شكواه بيه=وليا تمخطر تهت ما من خراجي
أنسى العمر ماضيه وأحلام جيه=لا ضعت ما بين الوجن والحجاجي
أخر طموحي بالرعابيب هيه=وأول غرامي فرحتي وإبتهاجي
في حضرته كني ملكت البريه=وإن غاب كن الكون ضامه عجاجي
هي غايتي ما دامت الروح حيه=القا بها من كل ضيق إنفراجي
تعزف على قلبي لحونٍ(ن)شجيه=يرقص لها فكري بدون إحتجاجي
أنظم قوافي فيه عذبة نقيه=من فيض فكرٍ(ن)مانزل للحراجي
نكتب أمانينا ببطحا طريه=مثل الذهب مخلوط فضة وعاجي
ترسم لي ورودٍ(ن)على رمل فيًه=وتقول:وشرايك برسمة مزاجي
من دون مأشعر قلت:مثلك نديه=شذى عطورك ساحرة للفجاجي
الله يعيدك يازمان الحويه=بذيك الطلوح اللي بها الفي داجي
التميز
الإهداءات
زمان الحويه !!!
