أسعدكم الله
بدون مقدمات اليكم الأبيات
يالغربي اللي مرني متجه شرق=وصل سلامي وصله مع هبايبك
وصله للي خدها يشبه البرق=طالبك يالغربي تعجله طالبك
عطر نِفسها واتل فوق الغلا وارق=من شر حاسد ما ذكر رب جايبك
قل للغلا غرامها محرقي حرق=جمر الهوى يحرق بمخلص حبايبك
هواك مثل الدم ينضخ بالعرق=لو هو توقف مات والله محاسبك
اسهر طوال الليل من طرق في طرق=ارسم على وجه القصائد عجايبك
ناح القصيد وناحت لنوحه الورق=يا مسدلٍ(ن)فوق المشاعر ذوايبك
الوجد يسرق شاعرك يا غلا سرق=بنا لحبك صومعة صار راهبك
في قلبي اللي منشرق بالهوى شرق=في كل دقة راسمك ثم كاتبك
يحلم بيوم يزول حاديك والفرق=فرق الزمان وفرق بُعدٍ(ن)مغيبك
وإن ما حصل بعد الهوى غرقه غرق=اصفق عليه من التحسر ترايبك
ياللي بعاده سمني ما بها درق=حبٍ(ن)غلبني كيف ماهو بغالبك؟
التميز
الإهداءات
ناح القصيد وناحت لنوحه الورق !!!
رد: ناح القصيد وناحت لنوحه الورق !!!
