اطلب هنوفِ بالحلا زانها تـاج

قصيدة للشاعر : مشعل العريعر

اطلب هنوف(ن) بالحلا زانها تـاج=فتّانة(ن) تسحر قلـوب(ن) ترقـا
روحي وروحه بينها سلـك ديبـاج=تلعب بها ريح(ن) شمال(ن) وشرقـا
واتبع خطى دربه ولو راحت افجاج=تسوقنـي رجلـي لهـا دوم سبقـا
وحبه ولج في خافقي بالحشـى لاج=والقلب من شوقه لها صـار شفقـا
له مبسم(ن) ينطق من الجزل صنّاج=عذب(ن) شفاها تدرق الريق درقـا
تروي ضماها من معاذيـب هـداج=وتروي من شفاها ضما روح غرقـا
وخصره مميّل كنها عود مـن عـاج=عود(ن) ليان وهزت الريـح ورقـا
غرو(ن) وصوفه أدعج العين غنّـاج=ميّاس قد(ن) يسرق الزيـن سرقـا
بارق سناها يضوي الدرب وهّـاج=كنه سطع في وجنتـه ضـو برقـا
هذه وصوف اللي لها القلب يحتـاج=وهذه دروب العشق حب(ن) وفرقا

صح لسان الشاعر وسلمت يمناك لا عدمناك

اختياراتك جميلة يعطيك العافية

اختيار جميل تسلم الاياي يا روح القصيد

روعاتك يا روح القصيد صح لسانك ولسان الشاعر

احسنتي بالاختيار



موفقة

متميزة باختياراتك


تقبلي التحية

كلك ذوق صح نبضك ..... خالص الود

قصيدة رايعة اختيار جميل موغقة

صح لسان الشاعر والناقل


تقبلي التحية