البارحة لجت هجوس الهم في وسط الضمير=اجلت لذيذ النوم عن عيني واباحت سدها
ترادمت فوقي حمول(ن)مايقوم ابها البعير=وان شالها تالي حياته يشتكي من ضدها
حدتني الدنيا وجربت الصغير امع الكبير=لابو حياة(ن)ترخص الغالي ولابو جدها
لاحدك الوقت الغبر على الذي مافيه خير=قدر(ن)وصل حد الثريا طاح كله قدها
ريح ضميرك ياردي الساس واحذر لاتطير=مانته بكفو(ن)للحرار اللي سريع(ن)هدها
ماني وانا فواز من يرضى المعونة من حقير=نفسي عزيزة مالك الله للضعيف احدها
اصبر على جور اليالي لو يصير اللي يصير=بالعزم نركي للحمول الجايرة ونشدها
وان ضاقت الدنيا وصارت مثل وقاد السعير=زبنت من هو يعطي الجزلات دون يعدها
اللي خلق عبده وباحواله وحاجاته خبير=اللي ليا جاته عباده مقبلة ماردها
الواحد اللي بالعبادة ماخبرنا له خشير=اللي رفع سبع(ن) بلا عمد وسبع(ن)مدها
ودام الليالي في فلكها بامر ربي تستدير=لابدها تصفى مشاريب العذا لابدها
والا انت مثلك يالهلامة لايشار ولا يشير=مالك مكانة بين مزحات السنين وجدها
لو كنت تسكن فالقصور وتلبس انواع الحرير=العيب لا ناش القصور النايفات يهدها
افرح ومتع ناظرك واستر بالمال الوفير=واحفظ حصيلك في خميلك والسلامة بدها
وان جيتني من ضدة الايام يالخايب مغير=ابشر بذيب(ن)لا وقف دون اللزوم يسدها
التميز
الإهداءات
عزة نفس
