رمح الزمن !!!

الأبيات بدون مقدمات




النص المكتوب

ما عاد أنا وإياك يا عذب الأوناس=ولى زماني والبقا في حياتك
ما باقي إلا هيكل عظام وأنفاس=وإن كان تطلبها ترى هي جاتك
رمح الزمن غدره مثل رمح جساس=طعن شبابي والعوض في نجاتك
طول الليالي والشقا فرغ الكاس=العمر حلوه يا أريش العين فاتك
ما باقي إلا ونةٍ(ن)من بعد ياس=خلف الحنايا والقصائد مراتك
الليل كله أضرب أخماس بأسداس=وأنت متهني يالغضي في مباتك
أسج خيل الفكر والفكر محتاس=ودي و ودي بين ذاتي وذاتك
يطري علي من الوله الف هوجاس=لا من ذكرتك وإفتكرت لصفاتك
قلت:أح كني واطيٍ(ن)جمر قباس=ليت العمر يرجع مثل ذكرياتك
يا أغلى بشر وأغلى من الدر والمأس=فديت ضحكاتك وبسمة شفاتك
فديت عين وخد ولعنق مياس=وفديت كل اللي تغطي عباتك
أداعبك ياشوق مع كل نسناس=ترى مزوحي كلها من غلاتك
بشوف وش مردود فعلك ولا بأس=هذي مناتي وأنت شنهي مناتك
أمر تدلل والصعيبات تنداس=كرمان لعيونك بنفذ وصاتك
يا فرحة أيامي ويا تأج للراس=يا عل موتي يسبقك في مماتك
ما عشت أنا وإياك يا عذب الأوناس=أجمل حياتي يا غلاتي حياتك

الله يعطيك الصحة والعافية وطول العمر


صح لسااااااااااااااانك

صح لسانك شاعرنا الراقي ربي ما يحرمنا منك

صح لسانك مليون ولا يكفون



تقبل التحية

صح لسانك رائعة من روائعك المتجددة

صح لسانك وسلم بنانك احسنت لله درك

صح لسانك وسلم بنانك وبيانك احسنت لا هنت


خالص الاحترام

صح لسانك لا هنت ابداع لله درك من شاعر عملاق

صح لسانك واعتلا شانك



مبدع بكل المقاييس

صح لسانك وافية من وافي لله درك


تقبل التحية