أسعدكم الله جميعا
الأبيـــــــــــــــــــات
الا يا ولفي الغائب وله في داخلي عنوان=يا بو خدٍ(ن)مثل نوضٍ(ن)بساري بارقه لاحي
تمنيتك معي ليله تبادلني فرح وأحزان=تخفف عني أحزاني وتشعل شمعة أفراحي
لكنك ما لفيت وطال ليلي واتلف الأعيان=سهر ليل مطاولني على موعد مع نواحي
أسامر طيفك الساري ودمعي يحرق الأوجان=أداري دمعة عيوني لكن الدمع فضاحي
يسابقني على التفكير وناتٍ(ن)بجاش انهان=من جروح الغرام وكل حلمٍ(ن)عانقه راحي
أحس الدم بعروقي مولع حرًق الشريان=تغير لوني الأول سبايب دم فواحي
حبيبي لا متى أرجي رجوعك طالت الأزمان=غيابك زود همومي وهجرك ينكش جراحي
تعبت من الهجوس اللي تقلب بين صار وكان=تبدل طعمها الأول بحنظل عقب تفاحي
تعال الحق على روحي وعشقٍ(ن)صابني بجنان=أحس القلب في صدري مثل خفاق الإجناحي
وأحس الشوق في قلبي وقايد كنه النيران=أصيح بعالي أصواتي لكنك صرت ما تاحي
ترجيتك تمنيتك توسلت لك أنا هيمان=همست وصحت ماحرك شعورك صارخ صياحي
ياقو الصبر في ذاتك وأنا اللي من الصبر تعبان=الى متى بعاني مر صبرٍ(ن)حتم ذباحي
حبيبي كان ذا يرضيك أموت بسبتك ولهان=على ربك جزاك ودعوتي بالغيب سماحي
حقيقة في غرامك واصلٍ(ن)لاغاية الإدمان=على قولت سوالفنا خفوقي بالهوى طاحي
غرق في بحر عشقك والتناسي والهجر حيتان=تناهش باقي أحلامي بكل مسرى ومسراحي
خلاصة سالفة عشقي تعبت وتعبت القيفان=وسكر عشقي المجنون في بحر الجفا ماحي
بعيش اللي بقا والشوق ثاير ثورة البركان=أعانق زاير طيوفك بلا فيدٍ(ن)ومرباحي
تذكرني مفاتن روعتك يا شمعة الخلان=أعد أحلامي الثكلى على حبات مسباحي
تمنيتك لكن الليل طاف وبقيت الأشجان=تصارع للمشاعر بس سر الحب ما باحي
لعل الله يفرجها يهبني نعمة النسيان=يريح خاطرٍ(ن)من صدتك ماهو بمرتاحي
يزيح أوجاع حبي والأمل في رحمة الرحمن=ينجيني من همومٍ(ن)ثقال وصعيب تنزاحي
يقرب لي غلا روحي يسكن رعشة الوجدان=وصالك يمسح أحزاني مثل مرسم بمساحي
الا يا ولفي الغائب وله في داخلي عنوان=يا بو خدٍ(ن)مثل نوضٍ(ن)بساري بارقه لاحي
تمنيتك معي ليله تبادلني فرح وأحزان=تخفف عني أحزاني وتشعل شمعة أفراحي
التميز
الإهداءات
سكر عشقي المجنون في بحر الجفا ماحي !!!
رد: سكر عشقي المجنون في بحر الجفا ماحي !!!
