يـاوجـودي وجد شايب راس ماله الـزراعـه = له سنه ماجاته الامطار والمحصول ماتـي
ساهر(ن) ليله من الهم الـذي لاوي ذراعـه = كيف يسقي الزراعـه كيف ينمو النباتـي
ينتظر قـوتـه لـيـومـه مايـدور لطماعـه = إتمنى إنـه سكن مابين دجله والفراتـي
يـاوجودي وجد عـود(ن) عائش بليا جماعـه = السنين القاحلة جاته والافراح فسباتـي
لـه ولـد لكن مولوده فـي سـن الرضـاعه = ماوصل سن الزعامه ماوصل سـن الثباتـي
ان تـرك فلذ كبده وراح يبحـث عـن بضاعه = الذياب الجايعه حـوله سهيره ماتباتـي
إن جلس مات الطفل من جوع ماهو من سباعه = حار فكره سامر(ن)ليله عيونه ساهراتي
مؤمن(ن) بأمر القدر وكنوز قلبه القناعه = يـدعـي الله كل مصبح يـدعـي الله فالصـلاتـي
اسـتـجـاب الله دعائه بـعـد صبر وبعد راعه = انـزل الله الـمـطـر ورد للعـود الحياتي
عـاش طـفـلـه وتعلم وصـبـح مهندس زراعه = مات ابوه ولاترك له غير بشته والوصاتي
الـوصـاه إن الله يـغـيـر مـن سـاعه لساعه = صل فرضك صوم شهرك اعرف اوقات الزكاتي
حـج بـيـت الله وفـي كـل الامور الـرب راعه = زاور الارحام ياوليدي قبل وقت المماتي
بـشـتـه اللي خلفه خلفه ماجـوفـه طماعه = مـالـقـي في داخله الا حروف الذكرياتي
التميز
الإهداءات
بشته والوصاتي
رد: بشته والوصاتي
