بليلة طيبة فأطيب وطن لبيت للداعين=جزيل الهرج والأشعار ما تكفي مشاعرنا
سلام الله على كل الحضور ومرحبا وأهلين=تشرفت بقصيدي بينكم والله مدبرنا
أنا من واجبي أقول فالترحيب بالثنتين=وجوب اللي من البدة و واجب ضيف قدرنا
دعاني راعي الحلة ولبيته بحسب الدين=أبو فهد ليا منه دعانا ما تعذرنا
أبو فهد عريب الجد مسحل كل حال وحين=أخذ نهج الرسول ولا ترك عادت أكابرنا
رفيقي صاحبي جاري خوي الدرب خشم وعين=يجينا لن دعانا وإن دعينا ما توخرنا
مواجيب الرفاقة بيننا ما تنترك بعدين=نقدمها على كل اللوازم ما تغيرنا
من الوقت القديم وشح ذاك الوقت لين اللين=تميزنا مواقيف الرجولة في محاضرنا
ثبيت المجد ساس البيت بالماضي ليا ذا لحين=شواهد مجدنا ما تنمحي والكل خابرنا
تربى في حلال جدودنا مرسول للثقلين=عليه أفضل صلاة وربوته أعلى تفاخرنا
تكفينا على ما قيل بالأقصين والأدنين=وباقي فعلنا شوف العيون بليل حاضرنا
يدور البن الأشقر في مجالسنا على الغالين=ونحرق بالجمر للعود الأزرق في مباخرنا
ونسمع من مشايخنا سوالف والجزيل يزين=كلام وفعل تشرح للصدور و قال شاعرنا
حضرنا حشمةٍ(ن)لأبو فهد فعل الكريم يبين=دعينا وإستجبنا عند راع الطيب حضرنا
وأنا بإسمه مرحب ما أعتبر حالي من القاصين=وأقدم للعذر لن كان بالممدوح قصرنا
بليلة طيبة فأطيب وطن لبيت للداعين=جزيل الهرج والأشعار ما تكفي مشاعرنا
التميز
الإهداءات
ثبيت المجد ساس البيت !!!
رد: ثبيت المجد ساس البيت !!!
