عطشان وعروق المحبة يباسا !!!

طابت أيامكم ولياليكم


الأبيات

علها تروق لكم



النص المكتوب

راحت وأنا من حكيها ما ترويت ....=عطشان وعروق المحبة يباسا....
مرت مرور كرام ياليت ياليت....=ما كان هادتني على اليأس ياسا....
شبت بقلبي نار والزين كبريت....=لا من قربني صاب نبضي بماسا....
دلق على ناري من كفوفه الزيت....=غديت مثل البن يحمس حماسا....
أون وضلوعي لقلبي توابيت....=مربوك أنا ما بين خوف وحماسا....
أرجف سواة اللي تمسه عفاريت....=وأحس ضيقة بالنفس واحتباسا....
من حرقةٍ(ن)بالقلب فتته تفتيت....=ودي و ودي ما قدرت أتناسا....
أبلع مرار الوجد والوجد حلتيت....=عقب لعيني بالليالي عماسا....
لا من ذكرت البعد بالحال ونيت....=ونة تطيًر بالعيون النعاسا....
ماني بلا حيٍ(ن)ولا عادني ميت....=ما بين زين وشين مالي قياسا....
حلمي غدى وأيام عمري طواغيت....=الوقت يعطي ناس ويهين ناسا....
يكرم ويحرم ما عرفت له توقيت....=كلٍ(ن)وحظه يفترسه إفتراسا....
سواة حظي معك ياكيت من كيت....=ممزوج ما بين الذهب والنحاسا....
مدري متى يصفي مثل ما تمنيت....=يا أغلى من كنوز الجواهر ومأسا....
مشيت وأنا بالحكي ما ترويت ....=عطشان وعروق المحبة يباسا....

صح لسااااااااااااااانك ابدااااااااااااااااع

صح الله لساااااااااااااااانك

ابداع لا يستغرب من شاعر مثلك


صح لساااااااااااااانك

صح نبضك ربي يحفظك وما يحرمنا من ابداعاتك

رائعة من روائعك


صح لسانك وسلم بنانك

صح لسانك واعتلا شانك



تقبل التحية

رائع صح لسانك للرضا


تقبل التحية

صح لساااانك رووووووعة سلمت يداك

صح لسانك وبيض الله وجهك


تقبل التحية