هشيم الضلوع !!!

يا مشغل القلب بغيابك بليا رجوع=عليك مني عدد ما غبت عني سلام
قبل غيابك وربي ما شكيت الجزوع=ما كنت أظن المحبة متعبة للكرام
واليوم مدري علامي صار بالقلب روع=ولعت فيني هواك وصابني بإنفصام
إختل فكري وقلبي وإحتمال الطبوع=ماعدت بعرف غرامك حل وإلا حـرام
نار الهوى ما يكفيها فتيل الشموع=ولعتها بالخفوق اللي عليه الكـلام
شبيت نار المحبة في هشيم الضلوع=اللي من سنين تحطبها حلوم الغرام
وصل سناهي عيوني وذرفت للدموع=والدمع حرق عيوني وهجرت للمنام
أسهر مواصل على ذكراك حول السبوع=أون ون الصويب اللي كسير العظام
ما كني إلا يتيمٍ(ن)مع تيتمه جوع=عقب بلونه شحوب وبان فيه السقام
ياليتني أدري تردك علي الفزوع=في ذمتي لأنتخي ربيعي عيال الهمام
لكن خائف عليك من التعب والفجوع=اللي عليًه غيابك ساقها لي قوام
يا مشغل القلب بغيابك بليا رجوع=عليك مني عدد ما غبت عني سلام

صح لسانك مدد ماهو عدد


تقبل التحية

صح نبضك وذوقك الراقي شاعرنا المتألق

صح لسانك ملايين



تقبل التحية

صح لسانك قصيدة راقية يعطيك العافية

لله درك وصح لسانك


راقت لي

صح لسانك واعتلا شانك لا هنت

تقبل التحية

صح لسااااااااانك روووووعة

صح لسانك مليون ولا يكفون ابدااااااع

تسلم يارب وصح لسانك شاعرنا ما ننحرم