سمعنا بخالد شاعر وفاله السيف

أسعد الله مساءكم جميعا

بمناسبة قدوم الأخ خالد سفر العتيبي

وحسب علمي أنه شاعر لذا أرحب به في محله

والطيب أول مبادينا ومن بعده استلم طال عمرك

هلا رحبوا يا أصحابنا جا لنا ضيف=وجوب الضيافة بالعرب شبة النار
سمعنا بخالد شاعر وفاله السيف=وحد السنان يروق لكل جبار

الله الله

صح السانك ياعم

هلا بك يا ابا اسماعيل


صح بدنك لا عدمتك

اقتباس : المشاركة الأصلية كتبت بواسطة خالد سفر العتيبي [ مشاهدة المشاركة ]

الطيب مايستغرب من اهله طال عمرك وانا مانيب شاعر احاول اصير شاعر يدوم البقاء و السيف مع مجمل الكيف = من املاكنا ماننتظر عطية الكار أنا خابرك طيب وذيب المواليف= ولاكن قلبك مخلفه طقة الطار

حياك الله

ترى عندنا حسب المهمات تصنيف=وحسب الرصيد نحدد أنواع الأسعار
طريق الرياض العدل للسيل تصريف=ودرب الشمال يسار ويعود يسار

بدع ورد على مستوى عالي من النقض والفتل لله دركما وانا متابع للجزاله تقديري للجميع

عيون العرب بتشوف والرب ماشيف=وعينك معك لا تختلف فيك الأنظار
ليا شفت لك مصلوح خلك على السيف=وتلقا على شط البحر الف بحار

صحت الاسنه طاروق متااابع الابدااااع

وخالد شاعر من الوزن الثقيل

ابن هليل + خالد سفر = محاوره جزله لله دركما واصلا الابداع

ترى الرجل من عيبه يطيع الملاقيف=ولول البحر من دونه السيف بتار
توقع توقع لا تشق المظاريف=ياشاعر بعد زكاك للشعر سنجار

صحت السنتكم ويعطيكم العافيه واعذروني مانتبهت لطاروقكم الا بعد ارسلت الابيات