أسعد الله لياليكم وأيامكم بكل خير
اليكم الأبيات بدون تأويلات ولا مقدمات
طال الزمان وحل في داخلي ياس=مدري متى شمل البعيدين يلتم
مرت شهور وخائف الصبر يحتاس=وأغرق مثل ما يغرق الصوف باليم
أحس لي حرقة تشعلل بالأنفاس=والفكر تايه في مغبات للهم
أكتم جروحي جوف روحي عن الناس=وأبلع مرار الصبر لو كان علقم
في خلوتي كني عليلٍ(ن)بوسواس=أكلم الأشباح من غير م أعلم
أشب نار بلا حطب تعمس عماس=وأبني صروح وفي ثواني تهدم
أعزي الأحلام لا بأس لا بأس=بكرة يزين الحال وأعود وأحلم
أضم طيفٍ(ن)كنه الجمر قباس=أتيه في دنياه لا من تبسم
بين الفرح والهم وأخماس وأسداس=يمضي زماني والهنا ما تقدم
واقف مكانه والمشاعر بتنداس=وأنا مثل من يخلط الدهن بالسم
كل ما تملى كأس بشربك ياكأس=بسم الله الرحمن من غير م أندم
أجمع كنوز وومربحي كله إفلاس=أدفع ثمنه الفكر والروح والدم
طال الزمان وحل ياسٍ(ن)على ياس=مدري متى شمل القريبين يلتم
التميز
الإهداءات
حل في داخلي يأس !!!
