والله إنك بقلبي لين قلبي يموت !!!

الليلة الليل وناسة

النوم طار والعيال عيوا ينامون

إجازة بنخليها فلة حجاج

اليكم الأبيات

والله إنك بقلبي لين قلبي يموت=ما تمنيت غيرك يالغلا بالحياه
أعشقك في كلامي وأحضنك بالسكوت=أنتي البلسم لجرح الغرام و دواه
طحت في بحر حبك والتهمني كحوت=لي سنين طويلة مبتلعني حشاه
في محيطك بنيت من المشاعر بيوت=أزرع الورد من شأنك بعمق المياه
أثمر الغرس في بحرك بجوري وتوت=الزهر في خدودك وفوق الشفاه
ياربيع المحبة قبل فصلك يفوت=هات لي صدري ولفي لين أحس بدفاه
هات خلي لروحي فيه راحة وقوت=وإن تعدى ربيعك زاد قلبي شقاه
حبها في فؤادي ناحتينه نحوت=صح يا قو جرحه بس زايد حلاه
ما بنيت المحبة بنية العنكبوت=ناقشه بالضلوع اللي تغطي علاه
من هواها فؤادي مثل حن الفروت=مع طريقٍ(ن)مساند كبارٍ(ن)حصاه
والله إنك بقلبي لين قلبي يموت=ما تمنيت غيرك يالغلا بالحياه

ياعيني على الوفاء والاخلاص المميز

صح لسانك وبيض الله وجهك

والله يعطيك الف عافيه

لك التحيه والتقدير

في محيطك بنيت من المشاعر بيوت

أزرع الورد من شأنك بعمق الميـاه

أثمر الغرس في بحرك بجوري وتوت

الزهر في خـدودك وفـوق الشفـاه

الله الله
ما اعذبها جورية القصيد هذه
قصيده مميزه واحاسيس متدفقة
استاذي /شكراً لهذا الجمال
تقديري

اقتباس : المشاركة الأصلية كتبت بواسطة ابن عميش [ مشاهدة المشاركة ]

ياعيني على الوفاء والاخلاص المميز صح لسانك وبيض الله وجهك والله يعطيك الف عافيه لك التحيه والتقدير

صح بدنك يا أبا ماجد


ايه عاد هواجيس تال الليل


شكرا لحضورك المميز

اقتباس : المشاركة الأصلية كتبت بواسطة عبير الشوق [ مشاهدة المشاركة ]

في محيطك بنيت من المشاعر بيوت أزرع الورد من شأنك بعمق الميـاه أثمر الغرس في بحرك بجوري وتوت الزهر في خـدودك وفـوق الشفـاه الله الله ما اعذبها جورية القصيد هذه قصيده مميزه واحاسيس متدفقة استاذي /شكراً لهذا الجمال تقديري

عبير الشوق

يا استاذة الذوق

صح نبضك وحضورك الطيب

لكن سبقك بن عميش

هالمرة فاز بها عكاشة

شكري وتقديري لكم جميعا لا عدمتكم

الله الله


صح لسانك مدد ماهو عدد ابدعت وامتعت



خالص التحية

صح لسانك للرضا ابدعت يا استاذ الشعر والشعراء

صح لسانك ابداع معهود ومشهود


تقبل التحية

قصيدة تستحق الاشادة صح لسانك يا مبدع

الله الله




صح لسانك مليون ولا يكفون ابداع متجدد