أسعدكم الله بكل مكان وزمان
أيها الأخوة والأخوات
مشاهدة لقناة من القنوات التي تتاجر بأجساد النساء
دفعتني لكتابة هذ الأبيات تعبيرا عن حال لم يألفه العرب من قبل
والخوف من القادم أعظم وحسبي الله ونعم الوكيل
يعلم من يعلم بزمن العراق في عهد صدام كيف كان وكيف هو اليوم
ولكل عهد مساويه ومحاسنه ولكن أحيانا المساوي بعضها أرحم من بعض
المهم .......... أبيات سريعة وعلها لمحت لبعض الجوانب وصرحت بأخرى
والله يصلح الشأن
يا بنت ياللي ضيعت للتقاليد=تراقصي من عقب ما راح صدام
حصن العراق وحامي الدار والغيد=ما إهتز له جفنٍ(ن)وهو لحظة إعدام
واليوم بيعي للجسد وإعلني عيد=بيعي مجونك فوق من جاك سوام
تراقصي على الهوا هزي البيد=ما يردعك شيمة ولا دين الإسلام
هزي لخصرك وإرفعي للتناهيد=دامه بليس معلق بصدرك وسام
تلاعبي بأشقر على المتن بالجيد=خلي قلوب أهل الهوى تغدي حطام
علَّي مع الطبلة لصوت الزغاريد=سوي من المنكر على كيفك أفلام
مثلك كثيرٍ(ن)والزمن بعده يزيد=والدرب ماشي والسرا واصل الشام
راحت أُسود العُرب يا كاشف الديد=واللي بقا خدام بلباس حكام
من عقب ما راحوا رجالٍ(ن)صناديد=اللي بقي للغرب يا بنت خدام
لا صار ما به دين يردع ولا سيد=الشر يكثر والملمات قدام
هذا زمان أهل الطغا والمقاريد=ناسٍ(ن)تبيح الدم وتحرم صيام
إسلامنا أصبح هوية مع القيد=من كثر ما أشوفه من مخالف أحكام
كلٍ(ن)على مذهبه فارض لتشديد=حرم حلال وحلل لشر هدام
ياعل وقـتٍ(ن)فرق الشمل ما يعيد=كنا وطن واليوم في بيتنا أقسام
ما باقي إلا ذكريات الأماجيد=تخطر على بالي من العام للعام
يالله لا تقهر قلوب الأجاويد=تضفي علينا الستر ونواصل أرحام
نرجع سوا للدين ما عنه نحيد=تصفا القلوب من المواجع والأسقام
يا رب تجع شمل من عقب تشريد=من عقب صرنا أحزاب وشعوب وأقوام
أريد والله فاعلٍ(ن)كل ما يريد=قادر يحقق ما صعب لي من أحلام
وختامها بردد القول ترديد=صلاة ربي عد ما خطت أقلام
وعداد ما شربت من العد مواريد=على النبي الهاشمي بدع وختام
التميز
الإهداءات
يا بنت ياللي ضيعت للتقاليد !!!
رد: يا بنت ياللي ضيعت للتقاليد !!!
