العقيرب سمها بذنيبها والغدر عاده !!!

أسعدكم الله

هذه القصيدة رمزية لما يحدث بزماننا مما لا يرضينا وكل واحد يفسرها كيف ما شاء

لكم الحرية بالتأويل والتخمين ... وأنا على يقين بأن الكثيرين منكم لن يعرفوا ما أريد

اللهم الا من شاء له الله

ليتها كانت عقيم وريحتك وريحتنا=لا يحسبونك علينا رجل يامال القراده
نصبتك نصبة سنافي والفعايل فَضْحتنا=الإسم مزيون والأفعال فعل ام القلاده
إن نشدتك قلت مدري ماتسمع منصحتنا=لا تقاد ولا تساق ولا أنت كفوٍ(ن)للقياده
شرهة العاقل على اللي بالخطأ ما صارحتنا=الله إنه لا يبارك فيك ياعين الجراده
فرفرت بجناحها من يوم بالعين لمحتنا=بس ما راحت بعيد موقعه وسق العراده
ذبحها ماهو بمعجزنا ولاهي فادحتنا=البلادة طبعها والذل نوع من البلاده
لو ذبحناها ترى العربان ماهي مادحتنا=وإن تركناها ثمار بلادنا تأكل حصاده
تستظل بظل طلحة طلطحت ما طلطحتنا=قُدمها نارٍ(ن)وقايد مابعد صارت رماده
غاطسه في نومها ما صحصحت مع صحصحتنا=فوق غصنٍ(ن)ملتوى والشوك للقشرا وساده
بيتها أوهن بيوت الخلق شنهي مربحتنا=فيك يا بيتٍ(ن)تلفلف فوق غصنك يا كتاده
مسبحتها يعلم الله ما تشابه مسبحتنا=والخلائق تختلف بالشكل وأيضا بالعباده
وانست للي مخادنها وناسي مصلحتنا=العقيرب سمها بذنيبها والغدر عاده
والله إني ماعلي تضيق والا سامحتنا=كلها عندي سوا ما للحديد إلا الحداده
إستكني ياطيور الليل دامك مروحتنا=والله إنك ما تحومي ملعنة وإلا نكاده
ياطيور الليل باتي لا تحومي ببرحتنا=دوري لك مرقصٍ(ن)عنا بعيد بلا هواده
لو مناقيرك حديد نقصها لو جرحتنا=دامت إن الرأس ثابت والفكر حاوي رشاده
ذابحينك ذابحينك لا تجلي سارحتنا=موتةٍ(ن)ماهي على سنة ولا حق وشهاده
ليتها كانت عقيم وريحتك وريحتنا=لا يحسبونك علينا طير يامال القراده

صح لسانك



وفيت وكفيت


تقبل مروري

صح لسانك


ما ادري عن قصدك بس القصيدة حلوة


الله يعطيك العافية

صح السانك يابن هليل قصيده صاروخ

قصيده تكتب بماء الذهب لروعتها وحبكها وسبكها لله درك ياابا حازم ولافض فوك لك تقديري واحترامي

الله الله


صح لسانك قصيدة قوية جدا

صح لسانك واعتلا شانك





تقبل تقديري

صح لسان مليون ولا يكفون





وفقك الله

صح لسانك واعتلا شانك




رائع لا هنت

صح لسانك مليون ولا يكفون




تقبل التقدير