للِّيل و الأيَّام فيني علامات=كثر السهر والهم سوَّى علامة
كنت أحسب الأيَّام تمشي سهالات=واثر الضنون الطيبة هي غشامة
كمْ لي أداوي عِلِّتي بين هقوات=حتى غدت كلَّ الهقاوي ملامة
قالو قديم الناس كلٍّ مقامات=وانا مقامي فوق عالي مقامة
لكنْ وقتي ناحس الحظْ بسكات=واذناب هالوقت اسْتحلو الإِمامة
ياوجدْ حالي كلّ ماناحتْ الذات=على خفوقٍ أثقلتة الشهامة
كلٍ يدوِّرْ في حياتة مجالات=وانا خذيت من الزمنْ اسْتقامة
منْ كل حالاتي خذيت القناعات=ولا اتغير لين يوم القيامة
همِّي صلاتي واحتقاري الملذَّات=وارفعْ علومي عنْ مقام الرمامة
وللفعل قومٍ وللمراجل مهمَّات=وللصعب دايمْ ارْتقي للزعامة
وماكلّ قولٍ يرتقي بك منصَّات=ولا كل قولٍ يستحق اهتمامة
وماهو بدايم كلّ مافات قدْفات=ولا تجعل الأيَّام تمضي ندامة
المسْألة إنَّ الزمن دوم وقْفات=وانْتَ فهيم ولا يبيلك فهامة
العمر يمْضي في طويل المسافات=ولاخذيت إلاَّ التَّعب والسقامة
مادام باقي للعمر زود لحظات=اختر طريق يوصِّلكْ للسلامة
هذي قناعاتي مجردْ قناعات=همَّ الليالي علمتني علامة
التميز
الإهداءات
قنـــــــــــــــــــاعــــــــــــــــــات
رد: قنـــــــــــــــــــاعــــــــــــــــــات
