الأبيات بدون مقدمات
من الكيبورد للمنتدى واللي يلاحظ غلط يعلمني
يا زين صوت اللي يهلي يوم قلنا كيف حالك=شكر كريم الوجه والضحكة تسابق للكلام
قلت:أنت طيب قال:طيب ايه طيب طاب فالك=قلت:السموحة كان قصدي يالغضي رد السلام
كرر تراحيبه وكرر ضحكته كلي حلالك=لكن حاسب وإحسب حسابك قبل لوم وملام
قلت:أنت عند شك فيني قال:خائف من مهالك=من لا يحسب خطاه في ممشاه طيحاته قوام
يا صاحبي هذا الزمن غدار والدنيا مسالك=والفرق واضح لا عدمتك بالحلال وبالحرام
قلت:أنت صادق في جوابك وأنت صادق في سوالك=لا تحسب إني يوم كلمتك مدور للغرام
صحيح معجب فيك كلك في ذكاك وفي جمالك=لكن حظك غير حظي يا بدر تجلى الظلام
جيتك مسلم وأتسمع في كلامك في دلالك=وأنا أدري إنك منت لي لو شفت طيفك بالمنام
ما بيننا فرقٍ(ن)كبيرٍ(ن)بالحياة وباللمالك=لو إتفقنا بالطباع البعد يمنع للمرام
يا مالك الحسن البديع اللي طرى لي ما طرى لك=واللي طرى لك ما طرى لي بالبداية والختام
التميز
الإهداءات
الضحكة تسابق للكلام !!!
رد: الضحكة تسابق للكلام !!!
