طابت أوقاتكم أين ما كنتم
يا صحابي يوم ناداني مناديكم وحيا=جئتكم سواة سيلٍ يدفعه غزر المخيلة
ما منعني عن مواصلكم كثير ولا بليا=الدليلة ما يحاوج له مع الممشى دليلة
يا سلام الله عليكم قسموها بالسويا=سنة الإسلام أسلم والردد بأهون وسيلة
صحبة أيام الشباب أثمن من قصور العليا=ما نسيناها رغم طول السنين اللي طويلة
يوم كنا نبتسم لأيامنا بأطلق محيا=ما نشيل من الهموم إلا مغاريفٍ قليلة
حين كنا في ظلال كفوفنا ظهر انتفيا=والقلوب أنظف من الشاش ومكارمنا جليلة
النوايا طيبة ما فيه حقدٍ في خفيا=البشاشة بالوجيه تبين الناس الأصيلة
نجتمع في غير شيء ونبتعد من غير شيا=وإن بغينا حاجةٍ ماهي علينا مستحيلة
نطعن كبود المخاطر بالصباح وبالعشيا=فوق صهوات العزوم اللي تصغر للمهيلة
اكثر الكلمات في قاموسنا زهب وهيا=العطايا بيننا يا هونها لو هي جزيلة
كم شربنا من عدود وكم سقينا كبد حيا=ما شربنا من هماج ولا سقينا من رذيلة
غينا ذاك العمر ما يعتبر بالعقل غيا=رغم كنا نحسبه منقود وأثر إنه فضيلة
يوم كنا نرسل المرسول ما يرجع بعيا=والمطالب هينة والناس ما كانت بخيلة
ليت ذاك الوقت يرجع بالمحبة والحميا=ليلة في وقنا الماضي تساوي لألف ليلة
ابتعد ما عاد يرجع والعمر طواه طيا=مثل من يطوي فراشة من بعد ساعة مقيلة
أنطوى ذاك الزمان وما بقي له من بقيا=غير ذكرى طيبة بقلوب والذكرى جميلة
مرت أعوام العمر ما بين شمس وبين فيا=يالله بحسن الختام وجنةٍ خضراء ظليلة
يا صحابي يوم ناداني مناديكم وحيا=جئتكم سواة سيلٍ يدفعه غزر المخيلة
التميز
الإهداءات
صحبة أيام الشباب أثمن من قصور العليا !!!
رد: صحبة أيام الشباب أثمن من قصور العليا !!!
