أسعد الله أوقاتكم أينما كنتم
الأبيات بدون مقدمات
أهلا هلا يا ملهمٍ(ن) بي طاروق=حركت شوق القلب يا ساكن القـلب
بأسباب حبك خافقي صار محروق=واليوم جاك الدور حكمة من الرب
يا قائد الغزلان ذوق الهوى ذوق=والله يكون بعون من بالهوى طب
شوقتني يا مشعلٍ(ن)فيني الشوق=تعال طف لواهجٍ(ن)بالحشا شـب
ذكرت لأنفاسك وصوتٍ(ن)به شهوق=عصف الهوى والشوق من شهقتك هب
كوت لقلبي واحرقت دم وعروق=منك الجروح وتملك لجرحي الطب
تكفى فديتك حن والرفق مرفوق=لا تنتقم للحب ما يعتبر ذنب
يا زينها لا صار عاشق ومعشوق=كلٍ(ن)يقول لصاحبه ميتٍ(ن)حب
كذا يروق الدم والهاجس يروق=أكشف لك أسراري ولا قول لك خب
دامي هويتك كون لي راقي الذوق=ترى الوفا والحب ما تنوخذ غصب
أبيك دايم حلو في كل منطوق=وأبيك حولي كون لي دوم بالقرب
وأبشر بعزك كان تطلبني حقوق=ما تطلبه يجيك قدام تطلب
أنا كذا ربيت والصدق مصدوق=ما غيًر لطبعي بشرقٍ(ن)ولا غرب
أهلا هلا يا ملهمٍ(ن) بي طاروق=حركت شوق القلب يا ساكن القلب
التميز
الإهداءات
حركت شوق القلب يا ساكن القلب !!!
رد: حركت شوق القلب يا ساكن القلب !!!
