مول دارين !!!

اليوم شفت الزين في مول دارين=كامل وصوف وفيه حلو المزايا
جاني يسوق الشوق سوق المحبين=صبح بخير ورد عذب التحايا
رحبت به ترحيب ناسٍ(ن)كريمين=فرحوا بلفو ضيوفهم ما كمايا
يا حلوها من شوفة العين للعين=ويا حلو مدات الكفوف النـدايا
قال العرب يا زاير الشرق من وين =قلت الملامح واضحة يا هنايا
أنا من أرضٍ(ن)نازلٍ(ن)فوقها دين=دار الشهامة والكرم والحمايا
قال أنت صادق قلت سالي تعرفين=أنا من اللي ما تهاب المنايا
قومٍ(ن)لنا بالوقت فعل وبراهين=ما نصنع الأمجاد زيف ودعايا
قالت هلا يا مرحبا والف نعمين=يا ربعنا يا أهل الفعول الطنايا
وش عندكم زوار وإلا مقيمين=قلت أتسوق يا مكيد الصبايا
جابتني الطرقة والي بس يومين=ومريت بشري من بلدكم هدايا
قالت تبيها لمين وإلا تبي مين=قلت الحلوم كبار وأكبر منايا
إنك تخاويني نكيد العذولين=نقضي لبعض الوقت ضحك وحكايا
أما هنا وإلا هنا وش تقولين=وإلا نقرب من ركون الزوايا
وإلا هناك بعيد يا كامل الزين=نبعد عن عيون البشر والمرايا
قالت أخاف وقلت مما تخافين=قالت أخاف الناس شينة نوايا
قلت إعزمي والناس ماهم بدارين=كلٍ(ن)بحاله يا حسن السجايا
قالت أفكر تفرك يسار بيمين=محتارةٍ(ن)ما بين منع وعطايا
هاثم قالت يا هلا ليش بعدين=هات ليمينك وأمش خلك معايا
نبي نتمشى شوي في مول دارين=يا كامل الأوصاف حلو المزايا

صح الله لسانك وين مول دارين

صح لساااانك قصيدة رايعة تستحق تلاشادة

صح لسانك استذ الشعر روعة مبدع

روووعة صح لسانك ربي يسعدك

صح لسانك ولا هنت قصيدة جميلة


تقبل مروري

صح لساااانك



احترامي

صح لسااانك ولا هان راسك

تقبل اعجابي والتحية

صح لسااانك ابدعت لا هنت


تقبل التحية

رائعه صح لسانك شيخنا ودام الإبداع..