كثير من البشر ما نفقده لن مات والا غاب !!!

أسعد الله صباحكم وكل أوقاتكم

اليكم الأبيات بدون مقدمات

نا ماهمني من باع للصحبة بدون أسـباب=ومنهو كان هذي فعلته ما ينبكي فوقـه
أنا اللي همني منهو يحده وقته الغصاب=ويبعد والعيون تلد يمي ما نسى ذوقـه
كثير من البشر ما نفقده لن مات والا غاب=وقليل من البشر عليه دوم الكبد محروقـه
على الحائط كتبت اللي كتبته حسرةٍ(ن)وعتاب=على اللي باع عشرتنا وجز القلب بعروقه
يحسب إنه غلبني ما درى إني بالزمن غلاب=أنا ماني بتابع كل نوٍ(ن)تبرق بروقه
ليا من طاب لك ترحل أنا مثلك رحيلي طاب=بأمان الله ملقى خير مطروده ومسبوقه
أنا حرٍ(ن)يعشيني ليا حان العشا المخلاب=وزادٍ(ن)ما كِتب للعبد لو سواه ما يذوفه
لكني ماني اللي يبتدي بالشين للأصحاب=ولاني من يوخر طيَّبه ويقدم زهوقه
أنا عون الرفيق بكل ما يحتاج للأجناب=معه وقت اللوازم ماني اللي يقعد يعوقه
على قول المثل وقت الله الله نفتل الأشناب=ولا نحسب حسابك لحيةٍ(ن)بالموس محلوقه
ليا سِكر علينا باب نفتح بالعقول أبواب=ولا نعجز بمطروده كما ما قيل ملحوقه
على شأن النفوس نعزها ونقدر الأحباب=أبيع اللي تجاوز للخطوط الحمر بحقوقه
أنا ماني رفيق لبائع العشرة ولا كذاب=ولاني من يجادل جاهلٍ(ن)معروف بزهوقه
ما تفرق لو تباعدنا وعشنا بالحياة أغراب=على أهون من الصحبة مع اللي عارفٍ(ن)بوقه
أنا ماهمني من باع للصحبة بدون أسـباب=ومنهو كان هذي فعلته ما ينبكي فوقـه

مصافحة صباحية


صح لسااااااااااااااااااااانك

صح لسانك مليون ولا يكفون ابدعت لا هنت


تقبل التحية

يعطيك الف عافية .....خالص الود وباقة ورد

صح لسانك ابداع غير مستغرب بيض الله وجهك

صح نبضك شاعرنا المميز ربي يسعدك وما يحرمنا منك

صح نبضك يا مبدع





تقبل الود

قصيدة رائعة و مميزة

في أبياتها إبداع و حكمة و جاذبية

أجدت و امتعت

صح لسانك و دام هطول أمزانك

و وفقك الباري لكل خير

ابداع غير مستغرب


صح لسانك مليون ولا يكفون

ابيات معبرة شاعرنا الكبير بن هليل

تسلم الايادي

ننتظر جديدك بشوق